MATEO 5:12 - Embimbiliya - Bíblia Sagrada em Umbundu

¹² Sanjuki, yoleli ca lua, momo onima yene kilu ya lua, momo haico va fũkĩlisa ovaprofeto vo liangeli.

MATEO 5:12 Iomraidhean Croise

EFETIKILO 15:1

Kovaso yovina evi ondaka ya Yehova yeya ku Avirama vocinjonde yiti, A Avirama, ku ka kuate usumba! Ame ndimbetateli yove; onima yove yi lua cimue.

I OLOSOMA 18:13

Ka ca sapuiwilue hẽ ku cime cange eci nda linga cina Isevele a kundula ovaprofeto va Yehova, ndomo nda soleka ocita calume povaprofeto va Yehova, veleva akui atãlo, veleva akui atãlo, kuenje nda va tekula lombolo kuenda ovava?

I OLOSOMA 18:4

momo cina Isevele a kundula ovaprofeto va Yehova, Ovadiya wopilepo ocita covaprofeto yu wa va soleka, veleva akuĩ atãlo, veleva akuĩ atãlo, kuenje wa va tekola lombolo kuenda ovava.

I OLOSOMA 19:2

Oco Isevele wa tuma omunga ku Eliya, hati, Olosuku vi ndinge cosi via panga, kuenda vi vandekeko ño, nda hela owola ndoyo, omuenyo wove siu lingi ndu wavo.

I OLOSOMA 21:20

Ahava wa popia la Eliya hati, Wa sanga, onyali wange? Leye wa kumbulula hati, Nda ku sanga, momo wa lilandisa ove muẽle oku linga eci cĩvi kovaso a Yehova.

I OLOSOMA 22:8

Soma ya Isareli wa popia la Yehosafata hati, Kuli omunu umue, Mikaya, omõla a Imila, eye o tela oku tu pulilako ku Yehova. Puãi ndu nyale, momo vovitumasuku viaye ka mopailako ciwa, te cĩvi. Oco Yehosafata hati, Soma ka ka vangule ndoco!

II OLOSOMA 1:9

Oco wa tuma kokuaye kesongo liakuĩ atãlo kumue lalume vaye akui atãlo. Yu wa lamanela kokuaye, kuenje tala, Eliya wa tumãla kilu liokamunda. Wa popia laye hati, Amunu wa Suku, Soma hati, Loka!

II ASAPULO 16:10

Asa puãi, wa temela ukuavitumasuku, kuenje wo kapa kukumbi vokayike, momo wo funguilila olondaka evi. Koloneke viaco, vamue pokati komanu vofeka, Asa wa va talisa ohali.

II ASAPULO 36:16

Puãi ovo va fuanguila olomunga via Suku, va sepula olondaka viaye, loku yola epembe ovaprofeto vaye, toke onyeño ya Yehova ya wengukila omanu vaye, toke ka kua kaile vali ekayo.

NEHEMIYA 9:26

Puãi haimo va linga ovimbinde; va tamalãla love; va imba konyima ovihandeleko viove. Va ipaya ovaprofeto vove, vana va va vetaiya okuti va tiukila kokuove. Pokati kaco va linga ovina via lua via puiya.

OLOSAMO 19:11

Kuenda vali, ukuenje wove o lungowaiwa lavio. Oku vi linga ku kuete onima ya lua.

OLOSAMO 58:11

Omanu va linga vati, Ocili, ondingesunga yi mõla onima. Ocili, ku kasi Suku o tetolola kilu lieve.

OLOSAPO 11:18

Ondingaĩvi yi tambula ofeto yesanda, ukuakuwaya esunga puãi o tambula onima yocili.

ISAYA 3:10

Sapuila vakuesunga okuti ci kala ciwa lavo, omo va lia epako liovilinga viavo muẽle.

YEREMIYA 2:30

Omãla vene nda va veta ño, lopo ka va longiwile. Osipata yene muẽle ya lia ovaprofeto vene ndeci ohosi yi lia lia omanu.

YEREMIYA 26:8

Eci Yeremiya a mala oku popia ovina viosi Yehova o sapuila hati, Vi popia lomanu vosi, oco ovitunda kuenda ovaprofeto lomanu vosi vo kuata, yu va popia laye vati, Ove o fa!

YEREMIYA 37:14

Yeremiya wa kumbulula hati, Eci hacoko. Si kasi loku yombolokela ku va Kaldea. Puãi Iriya ko yevelele kuenje wa kuata Yeremiya, wo nena kolombuale.

MATEO 16:27

Momo Mõlomanu iya lulamba wa Isiaye kumue lovangelo vaye, kuenje o muisa omanu vosi, omunu ndovilinga viaye, omunu ndovilinga viaye.

MATEO 6:16

Eci vu likandangiya okulia ko ka nyumali nda vakuambambe. Momo ovo va vĩhisa ovipala viavo okuti okulikandangiya kuavo okulia ku muiwa lomanu. Mopia lene siti, Ocili va sanga ale onima yavo.

LUKA 13:34

A Yerusalãi, a Yerusalãi, okuaku ipa ovaprofeto, loku sosola ava va tumiwa kokuove. Olonjanja via lua nda livela oku vutama omãla vove ndeci osanji yi vutama ovivuvu viayo vemi liavava ayo, kuenje ka wa taveli.

LUKA 6:23

Eteke va ci linga, sanjuki, somboyoki lonjolela, momo onima yene kilu yalua momo haico vaisiavo va linga lovaprofeto.

LUKA 6:35

Ene puãi, soli ovanyali vene loku va linga ohenda. Levalisi, ha lokulavokako cimue, kuenje onima yene yi lua, kuenje vu linga omãla va Tõlo: momo eye ombokela vakualutakãi la vakuakandu.

OVILINGA 16:25

Puãi vokati kuteke, Paulu la Siluano va kala loku likutilila loku imbila Suku ovisungo, kuenje olomandekua via va yevelela.

OVILINGA 5:41

Ovo va tunda vonjango loku yolela, momo va sangiwa okuti va sesamela oku talela onduko yaco esepu.

VA ROMA 5:3

Eci hacoko lika, puãi ndaño vohali haimo tu yolela, momo tua kũlĩha okuti ohali yi koka epandi,

I VA KORINDO 3:8

U o kũla lu o tapela va lisoka, kuenje va tambula omunu omunu onima ya sesamela upange waye.

II VA KORINDO 4:17

Momo ohali yilo yetu yitito, haiyo yokatembo kamue lika, yi kasi loku talavaya oku tu pongiyila ulamba wa lua, wa piãla ovolamba osi akuavo, haiwo wenda hũ.

VA FILIPOI 1:29

Momo okukolela Kristu hakuoko lika kua eciwa kokuene. Kokuene kua eciwavo oku u talela ohali.

VA FILIPOI 2:17

Ndaño ame muẽle meselua hã si itiliwila kocilumba ci kola cupange wekolelo liene, haimo sanjuka, kuenje njolelela kumosi lene vosi.

VA KOLOSAI 1:24

Cilo nda sanjukila ohali ñasi loku vu talela. Vetimba liange ñasi loku tẽlisa eci ca kamba kohali Kristu a talela etimba liaye okuti ekongelo.

VA KOLOSAI 3:24

Koleli okuti ku Ñala vu tambula ocipiñalo ndonima yene. Cime cene vu vumba, Ñala Yesu.

I VA TESALONIKE 2:15

Ovo va ipa Ñala Yesu lovaprofeto, kuenje etu va tu tundisa lohali. Va sumuisa Suku kuenje va patãla omanu vosi,

VA HEVERU 10:34

Momo wa lingi olomandekua ohenda, kuenje wa sanjuki ndaño ovikuata viene via pundiwa, momo wa kũlĩhi okuti vu kuete ovikuata via velapo, haivio ka vi pui.

VA HEVERU 11:26

Wa soka okuti oku lavisiwila Kristu oco ukuasi wa lua, ukuasi wosi wo ke Egito u sule, momo wa lavoka onima.

VA HEVERU 11:33

Omo va kala lekolelo, oco va yula ovosoma, va lingainga esunga, va tambula olohuminyo, va munihisa ovimẽla violohosi,

VA HEVERU 11:6

Okusunguluka ku Suku ka ku tẽliwa te lekolelo. Momo wosi o yongola oku kokela ku Suku, co sesamela oku kolela okuti kuli Suku, kuenda okuti Suku eca onima kuava vo sanda.

TIAGO 1:2

A vamanji, eci vu nyikiwa lolohali viñi viñi, ci sanjukili,

TIAGO 5:10

A vamanjange, upi ongangu yoku tala ohali leyi yepandi kovaprofeto va popia vonduko ya Ñala.

I PETULU 4:13

Puãi yoleli omo wa iñili vohali ya Kristu okuti vu yolelavo loku sanjuka eci ulamba waye u tukuluiwa.

RUTI 2:12

Yehova a ku muise onima ya soka lupange wove; onima yocili yu kuihiwe la Yehova Suku ya Isareli una ove weya oku vunda vavava aye.