MATEO 5:10 - Embimbiliya - Bíblia Sagrada em Umbundu

¹⁰ Ava va yambuilua esunga va sumũlũha, momo usoma wokilu wavo.

MATEO 5:10 Iomraidhean Croise

OLOSAMO 37:12

Ondingaĩvi vi tumbika ondingesunga ehãla, yi u litakĩlĩla ovayo aye.

ISAYA 66:5

Yevi ondaka ya Yehova, ene vu lulumĩla ondaka yaye, yeyi, Vakuẽle ava vo suvuki kuenje vo tundisili onduko yange va popia vati, Yehova a muĩsue ulamba oco tu mole onjolela yene, puãi ovo, ovo va kutisua osõi.

MATEO 10:23

Eci vo talisi ohali vimbo eli, tilili kimbo likuavo, momo mopia lene siti, Ocili, ko mosula ovaimbo a Isareli osimbu Mõlomanu keyile.

MATEO 19:14

Puãi Yesu hati, Omãla va kale, ko ka va tutuiyi oku iya kokuange, momo Usoma wokilu wava va lisoka lavo.

MATEO 25:34

Oco Soma o popia lava va kasi kondio yaye hati, Enjui ene wa sumũlũisui la Tate, ndo piñali usoma wo wangiliyilui tunde koku seveta oluali.

MATEO 5:3

Vakuosuke wovutima va sumũlũha, momo usoma wokilu wavo.

MARKO 10:14

Puãi eci Yesu a ci mola oco wa tema, kuenje wa popia lavo hati, Omãla veye ño kokuange, ko ka va tutuiyi, momo usoma wa Suku wava va linga ndava.

MARKO 10:30

yu ka moli cilo eci ca soka locita colonjanja, ci kale olonjo pamue vamanjaye, ci kale vamukãi vaye, la vainaye, lomãla, pamue ovapia. Komuenyo ulo o vi mola kumue lakangiso, kuenje komuenyo wiyako o mola omuenyo ko pui.

LUKA 21:12

Puãi osimbu ovina evi viosi ka via lingiwile, vo kuati kuenda vo kangisi, vo pakuili kolosunangonga lo kotuyike kuenje vu tualiwila onduko yange kolosoma kuenda kolonguluvulu.

LUKA 22:29

Oco, ndeci Tate a nukuila usoma haico ndu tukuili usoma okuti

LUKA 6:20

Kuenje, oku petuila ovaso aye kolondonge viaye, wa linga hati. Ene vulosuke, wa sumũlũhi, momo usoma wa Suku wene.

LUKA 6:22

Eci omanu vo suvukili Mõlomanu, leci vo tundisi, loku vu sepula, leci va lavisa onduko yene loluhimo lũvi, oco wa sumũlũhi.

YOANO 15:20

Ivaluki ondaka nda popia lene, siti, Ukuenje ka velipo okuti ñala yaye o sule. Nda va fũkĩlisa ame, ene vo fũkĩlisivo, nda va pokola kondaka yange va pokolavo kondaka yene.

OVILINGA 5:40

Oco va tava kokuaye, kuenje, eci va pañinya ovapostolo, va va tipula. Noke va va handeleka, vati, Ka ci tava oku longisa vali vonduko ya Yesu, kuenje va va eca.

OVILINGA 8:1

Saulu wa tava kokufa kuaye. Oco keteke liaco kueya ekangiso lia lua kekongelo lio vo Yerusalãi, kuenje vosi va sandokaila volofeka via Yudea la Samária te lika ovapostolo.

II VA KORINDO 4:17

Momo ohali yilo yetu yitito, haiyo yokatembo kamue lika, yi kasi loku talavaya oku tu pongiyila ulamba wa lua, wa piãla ovolamba osi akuavo, haiwo wenda hũ.

VA FILIPOI 1:28

Ko ka yokokeli ovanyali vene ndaño naito. Kokuavo, utõi wene u linga ocitumasuku ci va sapuila okuti ovo, Suku o va nyõla, puãi ene, Suku o vu popela.

II TIMOTEO 2:12

Nda tu pandikisa tu vialela kumue laye. Nda tu u likala eye o tu likalavo.

II TIMOTEO 3:11

lakangiso ange, lohali yange, lovina via ndingiwa ka Antiokea, lo ki Ikoniyu, lo ko Lustra. Wa kũlĩha okuti, ndaño nda pandikisa koku kangisua, haimo Ñala wa mopela kovina viaco viosi.

TIAGO 1:12

Omunu o pandikisa lohali wa sumũlũha, momo, eci a yula, o tambula ekolowa liomuenyo lina Suku a likuminya oku eca kuava vo sole.

TIAGO 5:11

Ava va pandikisa tu va tukula tuti, Va sumũlũha. Wa yevi epandi lia Yovi kuenje wa moli efulilo lialio lio wiha Ñala. Ñala ukuacikembe haeye ukuahenda.

I YOANO 3:12

oku setahala ukueliapu Kaini, una wa ponda manjaye, hacoko. Wo pondela nye? Wo ponda momo ovilinga viaye via vĩha, via manjaye via sunguluka.

ESITULUILO 2:10

Ku ka yokokele ohali o laika oku tala. Hu sapuila okuti eliapu limba vamue pokati kene vokayike okuti vu nyikiwa. Kuenje wu tala ohali ekui lioloneke. Pandikisa ño toke kokufa, kuenje hu iha ekolowa liemuenyo.