MATEO 4:4 - Embimbiliya - Bíblia Sagrada em Umbundu

⁴ Eye wa kumbululula hati, Ca sonehiwa okuti, Omunu ka muila omuenyo kombolo lika, te kondaka yosi yi tunda vomẽla wa Suku.

MATEO 4:4 Iomraidhean Croise

ETUNDILO 16:15

Va Isareli oku ci mõla va lipula pokati vati, Eci nye? Omo ka va ci kũlĩhile. Mose yu wa popia lavo hati, Oyo ombolo yehova a wihi oku lia.

ETUNDILO 16:35

Va Isareli va lialia mana akui akuãla kanyamo toke va pitila kofeka va tunga. Va lialia mana toke veya kovikanjo viofeka ya Kanana.

ETUNDILO 16:8

Oco Mose wa linga hati, Eci Yehova o waveli ositu yoku lia oñolosi lombolo yoku lia omẽle, momo Yehova a yeva okulisiõsiõla kuene wo lisiõsuĩli, etu hẽ, etu velie? hetuko wa tu lisiõsuĩli, wa lisiõsuĩli Yehova.

ETUNDILO 23:15

Vu lingainga ofesta yombolo ka yi kuete etumbisa. Ndeci nda vu handeleka, haico vu linga okuti vu lialia ombolo ka yi kuete etumbisa oloneke epanduvali kotembo ya tukuiwa vosãi ya Aviva, omo oyo osãi wa tundi ke Egito. Lomue iya kokuange upolokoso.

MATEO 15:11

Eci ciñila vomẽla hacoko ci vĩhisa omunu, te eci ci tunda vomẽla oco ci vĩhisa omunu.

MATEO 4:10

Oco Yesu wa popia lalio hati, A Satana, tundapo, momo ca sonehiwa citi, Fendela Yehova Suku yove, eye lika o vumba.

MATEO 4:7

Yesu wa popia lalio hati, Ca sonehiwa vali, citi, Ku ka seteke Ñala Suku yove.

MARKO 7:20

Kuenje hati, Eci ci tunda vomunu oco cu vĩhisa.

LUKA 4:12

Kuenje Yesu wa li kumbulula hati, Ca popiwa citi, Ku ka seteke Ñala Suku yove.

LUKA 4:4

Yesu wa li kumbulula hati, Ca sonehiwa okuti omunu ka muila omuenyo kokulia lika.

LUKA 4:8

Yesu wa li kumbulula hati, Ca sonehiwa citi, Fendela Ñala Suku yove, eye lika o vumba.

YOANO 15:26

Puãi eci Ñuatisi eya, u o tunda ku Isia kuenje ndu tuma kokuene, haeye Espiritu liocili o tunda ku Isia, eye o njimbila uvangi.

YOANO 6:63

Espiritu olio li muisa omuenyo, etimba ka li tẽla cimue. Olondaka nda popia lene ovio espiritu, haivio omuenyo.

VA ROMA 15:4

Momo cosi ca sonehiwa kosiahũlu ca sonehiwila oku tu longisa okuti, epandi kuenda okukolisiwa lovisonehua ku tu kokela elavoko.

VA EFESO 6:17

Tambuli ongalau yepopelo, kuenda osipata ye Espiritu haiyo ondaka ya Suku.

ESINUMUĨLO 8:3

Wa ku ketisa, wa tava okuti o yeva onjala, wa ku tekula la mana, ocina cimue ove kua kulĩhĩle, ndaño olosekulu viove. Wa ci lingila oco ove o limbuke okuti hakomboloko lika omunu a muĩla omuenyo, puãi cosi ci tunda tunda vomẽla wa Yehova oco omunu a mola laco omuenyo.