MATEO 4:2 - Embimbiliya - Bíblia Sagrada em Umbundu

² Wa likandangiya okulia akui akuãla kovotanya lakui akuãla kovoteke, kuenje noke wa lambuka.

MATEO 4:2 Iomraidhean Croise

I OLOSOMA 19:8

Wa pasuka, wa lia, wa nyua kuenje wa enda longusu yokulia kuaco akui akuãla kovotanya lakui akuãla kovoteke, toke ko Horeve omunda ya Suku.

ETUNDILO 24:18

Mose wa iñila vokati kelende, wa lamana komunda. Mose wa kala komunda yaco akui akuãla kovotanya lakui akuãla kovoteke.

ETUNDILO 34:28

Wa kalako la Yehova akui akuãla kovotanya lakui akuãla kovoteke. Ka lile ombolo, ka nyuila ovava. Kuenje wa sonẽha kovitale olondaka viovisila haivio ovihandeleko ekui.

MATEO 21:18

Komẽle, eci a kala loku tiukila vimbo, wa kala lonjala.

MATEO 25:35

Momo nda kala lonjala kuenje wa nyihi okulia, nda yeva enyona kuenje wa nyuisi, nda kala ukombe kuenje wa njekisi,

MATEO 25:42

Momo nda kala lonjala kuenje ka wa nyihili okulia, nda yeva enyona kuenje ka wa nyuisili.

MARKO 11:12

Hẽla yaco eci va tunda ko Betánia, eye wa kala lonjala.

LUKA 4:2

Oko a kala akui akuãla koloneke oku yonjiwa leliapu. Oloneke viaco ka lile cimue, leci via pua wa kala lonjala.

YOANO 4:6

Ocisimo ca Yakoba haiko ca kala. Oco yesu, omo a kava lungende waye, wa tumala pocisimo. Ca soka ndola yepandu.

ESINUMUĨLO 18:18

Pokati kavo muẽle ñatulapo uprofeto ndove. Ñapa olondaka viange vomẽla waye, leye o va lomboluila cosi ndu sapuila.

ESINUMUĨLO 9:18

Oco nda lituvika posi kovaso a Yehova ndeci nda lingile ale, kuenje haipo nda kala akui akuãla kovotanya lakuĩ akuãla kovoteke. Sia lile okulia ndaño oku nyua ovava, momo wa wenguli onyeño ya Yehova poku u lingila akandu alua levĩho lialua.

ESINUMUĨLO 9:25

Oco nda lituvika posi kovaso a Yehova kuenje haipo nda kala akuĩ akuãla kovotanya lakuĩ akuãla kovoteke. Nda ci lingila omo Yehova a linga hati, Ndi va nyõla muẽle.

ESINUMUĨLO 9:9

Eci nda londa komunda oku tambula ovitale viovawe, okuti ovitale vi kuete ocisila cina Yehova a lisila lene, oco nda kala komunda akuĩ akuãla kovotanya lakuĩ akuãla kovoteke. Sia lile okulia ndaño oku nyua ovava.