MATEO 4:16 - Embimbiliya - Bíblia Sagrada em Umbundu

¹⁶ Omanu va tumalele vowelema va mola ocinyi ci piãla. Ava va kaile vofeka yulembo wokufa, ocinyi ca va tuila.

MATEO 4:16 Iomraidhean Croise

YOVI 10:22

Ofeka yaco ofeka yowelema wosito. Ndaño ocinyi ci kasimo ca linga owelema.

YOVI 3:5

Owelema lulembo wokufa u kale lalio. Elende li li tungileko. Cosi ci tekãvĩsa utanya ci li yokokise.

YOVI 34:22

Ka kuli undembo pamue owelema wowi omu vakuakulinga evĩho va tẽla oku salama.

OLOSAMO 44:19

okuti, nda oco wa tu ci nyanyoaila, loku tu imba vowelema wowi omu mu kala kala olombulu.

ISAYA 9:1

Puãi ka ku kala owelema ku wa kaile lelamba. Ale eye wa sepuisile ofeka ya Sevulono lofeka ya Nafitali, puãi noke o kemãlĩsa ofeka yokonẽle yokalunga, haiyo yi kasi kesinya lia Yordão, yokuti Galilea yolofeka.

ISAYA 9:2

Omanu va endelele vowelema va mõla ocinyi ca piãla, ava va kaile vofeka yulembo wokufa ocinyi ca va tuila.

YEREMIYA 13:16

Imbili Yehova Suku yene ulamba osimbu ka nenele owelema, osimbu olomãi viene ka via lipundukile kolomunda viokaluwumbulu. Osimbu vu sanda ocinyi eye o ci pongolola okuti ci linga ocilembo cokufa, noke ci linga owelema wosito.

AMOSI 5:8

Sandiliyi u wa lulika Pleiades la Orion, una o pongoluisa owelema wuteke ho lingi ongula yomẽle, haeye o tekãvĩsa utanya ho lingi uteke, haeye o kovonga ombela yokilu, kuenje o yi lokisila kilu lieve,— onduko yaye Yehova.

MIKA 7:8

Onyãli wange, ku ka fuanguile, nda ñupuka minduka vali. Eci numãla vowelema Yehova o ndingila ocinyi.

LUKA 2:32

hailio li linga ocinyi ci tuila vakualofeka, kuenda ulamba womanu vove, va Isareli.