MATEO 3:6 - Embimbiliya - Bíblia Sagrada em Umbundu

⁶ Kuenje, oku likekembela akandu avo, va papatisiwa laye volui Yordão.

MATEO 3:6 Iomraidhean Croise

ESERA 10:1

Osimbu Esera a kala loku likutilila loku litavela loku lila loku likekemba kovaso yonjo ya Suku, owiñi wa va Isareli wongolokela kokuaye, alume lakãi lomãla. Omanu vosi va lila calua.

OLOSAMO 32:5

Nda likekembela kokuove ekandu liange. Ongole yange sia yi limbikile. Nda linga siti, Ndi likekembela ku Yehova okulueya kuange, kuenje wa njupa evĩho liekandu liange.

OLOSAPO 28:13

U o limbika akandu aye ka tela oku sumũluha, puãi u o litavela kuenje o tindukako eye o sanga ohenda.

ESEKIELE 36:25

Oco ndu nyĩli ovava a yela okuti vu yelisua kevĩho liene liosi. Ndu yelisi koviteka viene viosi.

DANIELE 9:4

Nda likutilila ku Yehova Suku yange, nda litavela siti, A Yehova, vu Suku unene haive wa sumbiwa, haive o lemũlũla ocisila lohenda kuava va ku sole loku lava ovihandeleko viove.

OVISILA 16:21

Kuenje Arone imba ovaka aye, kavali kao, kutue wohombo yi kasi lomuenyo lia litavelelako olohole viosi via va Isareli, lokulueya kuavo kuosi, okuti akandu avo osi. Akandu avo osi o a kapa kutue wohombo yaco. Ohombo yaco yeciwa komunu wa tukuiwa ha ka yi tuala kekalasoko.

OVISILA 26:40

Puãi nda va litavela olohole viavo lolohole via vaisiavo ndomo va ndueyela loku tamalala lame,

ATENDELO 5:7

omunu waco o litavela ekandu liaye a linga loku feta eci ca soka leko liaye, kuenje o vandekako onepa yatãlo yoku eca ku a lingila eko.

MATEO 3:11

Ame ndu papatisili vovava, oku vu papatisila epongoloko liutima, puãi u o ñuai vonyima wa mbelapo. Sia sungulukilile oku ambata olohaku viaye. Eye u papatisili le Espiritu Sandu londalu.

MARKO 1:5

Kuenje ofeka yosi ya Yudea ya tundila kokuaye, la va Yerusalãi vosi, kuenje oku likekembela akandu avo, va papatisiwa laye volui Yordão.

LUKA 1:16

O pongoluisila omãla va lua va Isareli ku Yehova Suku yavo.

LUKA 3:16

oco Yoano wa kumbulula vosi, hati, Ame ndu papatisi lovava, puãi kuiya u wa mbelapo okuti ame ndi sule, ame si sesamela oku itula olonjita violohaku viaye. Eye u papatisi le Espiritu Sandu kuenda ondalu.

OVILINGA 1:5

Momo Yoano wa papataisa lovava, puãi ene, kovaso yoloneke vimue ño, vu papatisiwa le Espiritu Sandu.

OVILINGA 11:16

Oco nda ivaluka ondaka ya Ñala, ndeci a linga hati, Yoano wa papatisa lovava puãi ene vu papatisiwa le Espiritu Sandu.

OVILINGA 19:18

Pokati kava va linga ale oloñame va lua veya oku litavela loku sapula ovilinga viavo viumbanda.

OVILINGA 22:16

Kaliye, o talukila nye? Votoka, papatisiwa. Vilikiya onduko yaye okuti o yelisua kakandu ove.

I VA KORINDO 10:2

Viosi via papatisiwila vu Mose velende lo vokalunga.

VA KOLOSAI 2:12

Eci wa papatisui wa kendiwi kumue laye, kuenje wa pinduiwivo kumue laye. Wa pinduiwi omo wa koleli unene wa Suku una wa pindula Yesu kuava va fa.

VA HEVERU 6:2

Ka tu ka lilongisi ño-o hũ ovipama vi lombolola ovisila vioku yelisa, levi vioku kapa ovaka, levi vi lombolola epinduko liava va fa, kuenda ekanga ka li pui.

VA HEVERU 9:10

Ovihõlo viaco vi tiama lika kovilia lovinyua lokuyua kuiñi kuiñi, haivio ovihõlo vietimba via handelekua toke keteke lietumbuluko.

TIAGO 5:16

Oco, litaveli pokati akandu ene loku likutililila pokati okuti vu veluisua. Ohutililo yukuesunga o likutilila lutima wosi yi muisa unene wa Suku.

YEHOSUA 7:19

Yehosua wa popia la akani, hati, Amolange, muisa Yehova Suku ya Isareli ulamba. Litavela kokuaye. Kaliye sapuileko eci wa linga. Ku ka ci ndimbike.

I PETULU 3:21

Eci ci linga ocisetahãi cepapatiso. Cilo epapatiso liu popela, omo Yesu Kristu a pinduka. Ka li popela ndoku yuisa etimba lia liña, puãi li lekisa oku pinga okuti Suku o wihi utima we lipua.

I YOANO 1:9

Nda tu likekembela akandu etu loku a sapula, eye ukuacili, haeye ukuesunga, o tu ecela akandu etu, kuenje o tu yelisa kavĩho osi.