MATEO 3:4 - Embimbiliya - Bíblia Sagrada em Umbundu

⁴ Yoano wa wala uwalo wovonya ongamelo kuenda uvia wombandua vombunda yaye. Wa lia lia olohuma lowiki wombula.

MATEO 3:4 Iomraidhean Croise

II OLOSOMA 1:8

Vo kumbulula vati, Wa wala uwalo wovonya, wa litika uvia wombandua vombunda yaye. Ahasiya hati, O Eliya, u Tisibi.

ISAYA 20:2

kotembo yaco oco Yehova a popele ale la Isaya omõla a Amose, hati, Ku ende, ka lule ocikẽlẽi covombunda yove lolohaku kolomãi viove. Kuenje wa ci linga, yu wa enda ño epõlõla lolomãi viaño,—

OVISILA 11:22

Evi vi tava oku liwa vievi: olombuto viosi violohuma, lolombuto viosi viovimina, lolombuto viosi viovienye, lolombuto viosi violombata.

SAKARIYA 13:4

Eteke liaco uprofeto wosi o kuatela osõi ovinjoinjoi viaye eci imba owanji nduprofeto. Ka wala vali onanga yovonya oku viaviaya.

MALAKIYA 4:5

Tala! osimbu eteke liaco linene lia Yehova, hailio li linga usumba, ka lieyile, ndu tumisi uprofeto Eliya.

MATEO 11:18

Momo Yoano weya, ka lia lia, ka nyua nyua, kuenje vati, O kuete ondele.

MATEO 11:8

Nda hacoko wa lilili nye? oku tala omunu wa wala uwalo u yuyuma ale? Ava va wala uwalo u yuyuma va kasi volonjo violosoma.

MARKO 1:6

Yoano wa wala uwalo wovonya ongamelo kuenda uvia wombandua vombunda yaye. Okulia kuaye olohuma lowiki wombula.

LUKA 1:17

U pitila kovaso lespiritu lunene we Eliya, oku pongoluisila ovitima via vaisia komãla vavo, levi via vakuakusina kolondunge via vakuesunga, oku angiliyila Ñala omanu vo sungulukila.

ESINUMUĨLO 32:13

Wa va songuila toke kolonumbuko viofeka, kuenje va lia ovaima ovapia avo. Wa va sipisa owiki kesenje, kuenda ulela kesenje liewe.

ESITULUILO 11:3

Ngeca kolombangi viange vivali unene woku popia ovitumasuku ca soka ohũlũkãi kovita vivali kakui epandu koloneke. Osimbu va popia va wala wala ovikelei.