MATEO 3:11 - Embimbiliya - Bíblia Sagrada em Umbundu

¹¹ Ame ndu papatisili vovava, oku vu papatisila epongoloko liutima, puãi u o ñuai vonyima wa mbelapo. Sia sungulukilile oku ambata olohaku viaye. Eye u papatisili le Espiritu Sandu londalu.

MATEO 3:11 Iomraidhean Croise

ISAYA 4:4

eci Ñala a sukula eliño liomãla va Siono akãi, leci a yelisa atime osonde a kasi vokati ka Yerusalãi, oku ci linga lofela yepiso kuenda ofela yoku nyõla.

ISAYA 44:3

Njitila ovava kongongo ya kukuta; mitisa olondui vekango. Sukumuĩla Espiritu liange kombuto yove kuenda esumũlũho liange komãla vove.

SAKARIYA 13:9

Kuenje onepa yaco ndi yi pitisa vondalu. Ndi va yelisa ndoku yelisa opalata, loku va nyika ndoku nyika ulu. Va vilikiya onduko yange kuenje ndi va kumbulula. Ndinga siti, Ovo omanu vange. Lovo va popia vati, Yehova eye Suku yange.

MATEO 3:6

Kuenje, oku likekembela akandu avo, va papatisiwa laye volui Yordão.

MARKO 1:4

Oco vekalasoko mua tukuluka Yoano ukuakupapatisa, kuenje wa kunda epapatiso lioku likekembela akandu loku ecelua.

LUKA 1:17

U pitila kovaso lespiritu lunene we Eliya, oku pongoluisila ovitima via vaisia komãla vavo, levi via vakuakusina kolondunge via vakuesunga, oku angiliyila Ñala omanu vo sungulukila.

LUKA 3:16

oco Yoano wa kumbulula vosi, hati, Ame ndu papatisi lovava, puãi kuiya u wa mbelapo okuti ame ndi sule, ame si sesamela oku itula olonjita violohaku viaye. Eye u papatisi le Espiritu Sandu kuenda ondalu.

LUKA 3:3

Oco wa pita vofeka yosi yi lisungue la Yordão oku kunda ondaka yepapatiso li lekisa oku likekembela akandu, kuenda oku ecelua.

YOANO 1:15

Yoano wo wimbila uvangi, yu wa vilikiya hati, U, eye una nda tukula eci nda popia siti, U o ñuai wa mbelapo, momo eye wa livanga, ame nda siale konyima.

YOANO 1:30

U, Eye una nda tukula eci nda popia siti, Konyima yange kuiya umue wa mbelapo, momo eye wa livanga, ame ndo kuama.

OVILINGA 1:5

Momo Yoano wa papataisa lovava, puãi ene, kovaso yoloneke vimue ño, vu papatisiwa le Espiritu Sandu.

OVILINGA 19:4

Oco Paulu hati, Yoano wa papatisa lepapatiso li kuama oku likekembela akandu, osimbu a popia lomanu hati, Koleli u o ñuama ndokuti Yesu.

OVILINGA 8:36

Eci va enda vonjila veya kovava, kuenje Kalei wa linga hati, Ovava ya, nye ci nateka oku papatisiwa?

OVILINGA 8:38

Oco wa talamisa ekãlu kuenje va wila vovava, kavali kavo, Filipu la Kalei, yu wo papatisa.

I VA KORINDO 12:13

Momo etu vosi tua papatisiwila le Espiritu limuamue vetimba limuamue, ndaño tu va Yudea, ndaño tu va Helasi, ndaño tuapika, ndaño tumãla vamãle, kuenje vosi tua nyuisua Espiritu limuamue.

VA EFESO 3:8

Ndaño ame sulepo pokati kolosandu viosi haimo ocali caco ca nyihiwa. Ca nyihiwila okuti ñundila vakualofeka ondaka yiwa yukuasi ka u tendiwa wa Kristu,

TITO 3:5

oco Suku wa tu popela, haku tu popelelako ovilinga viesunga tua linga etu muẽle, puãi oku tu popelela ohenda yaye. Wa tu popela loku tu sukula lovava epapatiso liucito wokaliye, kuenda etumbuluko ve Espiritu Sandu,

I PETULU 5:5

Haico ene amalehe, pokoli kakulu. Vosi yene, okuliketisa ku linge uwalo wene, kuenje livumbi pokati, momo Suku o yaka la vakueyengu, puãi ava va liketisa o va linga ohenda.