MATEO 3:10 - Embimbiliya - Bíblia Sagrada em Umbundu

¹⁰ Momo cilo muẽle ondiaviti yi kasi ale kolombombo vioviti, kuenje uti wosi ka wimi apako awa u timbuiwa loku imbiwa vondalu.

MATEO 3:10 Iomraidhean Croise

II SAMUELE 23:7

Puãi u o va kuata wa limãlehisa locivela lonjelia, kuenje va pia elisi vondalu.

OLOSAMO 1:3

Wa linga nduti wa kũliwa kolondui viovava, haiwo wimaima epako liawo kuvo waco. Lemela liawo ka li uwuka. Cosi o linga o sumũlũha laco.

OLOSAMO 140:10

Akãla ondalu a va lokele. Va imbiwe vovitunu omu ka va tundi vali.

OLOSAMO 92:12

Olondingesunga vi pama ndeva, kuenje vi kula nduti wo-cedro yoko Levanone.

ISAYA 27:11

Eci ovianja viaco vi kukuta kuenje vi teka, oco akãi va vi tiaña, kuenje va vi siakãla, Omo omanu vaco ka va kuete olondunge, oco u wa va lulika ka va kuatela ohenda, kuenje u wa va sovola ka vamẽla.

ISAYA 61:3

loku sapuila vakuakulila vo Siono elembeleko; loku piñainya eposuiso petiko, loku piñainya ulela wesanju poku lila. Poku nyumãla pa piñala uwalo wesivayo; okuti va tukuiwa oviti viesunga via kulĩlua ulamba wa Yehova.

YEREMIYA 17:8

Momo wa linga nduti wa kũlĩwa konele yovava, kuenje u yandisa olombombo viavo kolui. Ko kuata ohele nda ku iya owuya, omo emẽla liawo haimo li talalela. Unyamo wocitenya ko u lingi cimue, omo ko liweka oku ima epako.

DANIELE 4:14

Wa vilikiya londaka ya lua, hati, Timbuli uti, teti ovianja, tutumũli amẽla, sanduli apako; ovinyama vemẽhi liaco vi tilemo, lolonjila kovianja viaco.

MALAKIYA 4:1

Momo, tala, kuiya eteke li taima ndofolono, kuenje vosi vakuakulipanda lava va linga lãvi va linga ndasila otiliku. Eteke liaco li kasi oku iya li va yoka, kuenje kokuavo ka ku siala ndaño olumbombo, ndaño ocanja. Oco ca popia Yehova Ukualohoka.

MATEO 21:19

Oku mola ukuyu kohulo yonjila wa endako kuenje ka sangeleko cimue, te amela lika. Oco wa popia lawo hati, Tunde opo, kokuove ka ku ka tunde vali epako. Kuenje haico ukuyu wa kukuta.

MATEO 7:19

Uti wosi ka wimi apako awa u timbuiwa kuenje wimbiwa vondalu.

LUKA 23:31

Momo, nda va linga ovina evi luti u talala, va linga nye luti wa kukuta?

LUKA 3:9

Momo cilo muẽle ondiaviti yi kasi ale kolombombo vioviti, kuenje oviti ka vimi apako awa vi timbuiwa loku imbiwa vondalu.

YOANO 15:2

Ocanja cosi cange ka cimi epako, o ci sonjako, kuenje cosi cime epako, o ci sonjela oco cime epako lia lua.

YOANO 15:6

Umue nda ka kala vokuange, inasiwa ndolumbange, kuenje o kukuta. Ovianja viaco va vi ongolola, va vi imba vondalu, kuenje vi pia.

VA HEVERU 12:25

Lunguki okuti ka vu pukula u o kasi loku popia. Momo ovo, nda ka va pulukile eci va pukula una wa va lungula kulo kilu lieve, etu ca piãla enene, ka tu puluka nda tu sia u o kasi kilu haeye o kasi loku tu lungula.

VA HEVERU 6:8

Puãi, nda yi tunda olosongo lososo, yi linga ocipembe, kuenje yi kamba naito oku siñaliwa. Esulilo liayo oku pia londalu.