MATEO 27:4 - Embimbiliya - Bíblia Sagrada em Umbundu

⁴ Wa linga hati, Nda linga ekandu omo nda pakula osonde ya pua eko. Puãi va popia vati, Ci tu linga nye? Eci cove, hacetuko.

MATEO 27:4 Iomraidhean Croise

I OLOSOMA 21:27

Eci Ahava a yeva olondaka evi, wa tola olonanga viaye, wa wala ocikelei ketimba liaye, wa likandangiya okulia, wa pekela pocikelei, kuenje wa enda leli! leli!

II OLOSOMA 24:4

kuendavo omo a pesela osonde yava ka va kuete eko, momo wa yukisa Yerusalãi losonde yava ka va kuete eko. Oco Yehova ka tavele oku ecela.

YOVI 13:4

Ene puãi vulonoño viuhembi. Vosi yene vulondotolo viesanda.

YOVI 16:2

Ovina via lua ndevi ndi vi yeva yeva. Ene vosi vulondembeleki viesanda.

OLOSAMO 94:21

Va lipungikila omuenyo wukuesunga, lava va pua eko va va tukuila okufa.

ETUNDILO 12:31

Oco wa kovonga Mose la Arone uteke, wa linga hati, Votoki! Tundi vofeka yange, lene la va Isareli. Kuendi, ka fendeli Yehova ndeci wa popia.

ETUNDILO 9:27

Oco Fareo wa tumĩla Mose la Arone, wa popia lavo hati, Cilo nda lueya muẽle, Yehova ukuesunga, ame lomanu vange tuakuahuku.

OLOSAPO 12:8

Omunu o sivayiwa ndolondunge viaye, ukuemande puãi o lavisiwa.

YEREMIYA 26:15

Puãi limbuki ocili eci cokuti, nda vu njipa, osonde ye lipua eko yu wili kuenda yi wila vimbo lilo lava va tungamo. Momo mopia ocili, Yehova muẽle wa numa kokuene oku vu sapuila olondaka evi viosi.

YONA 1:14

Oco va vilikiya ku Yehova, vati, A Yehova, tua samba. Ka tu ka nyõlẽhe mekonda liomuenyo wulume u. Kuenje ku ka tu kape ongole yosonde yaye nda ka kuete eko; momo ove, a Yehova, wa linga ndeci wa panga.

MATEO 27:19

Kuenda vali, osimbu a tumala komangu yekanga ukãi waye wa tumile kokuaye hati, Ku ka linge cimue omunu una ukuesunga, momo etaili nda tala ohali vonjoi ndo lotela.

MATEO 27:54

Eci kesongo lava va kala laye oku lava Yesu va mola osi ya luluma lovina via lingiwa, oco va yokoka ca lua vati, Ocili u Omõla a Suku.

LUKA 23:22

Onjanja yatatu wa popia lavo, hati, Momo nye? Caco cĩvĩ a linga nye? Sio sangele leko li sesamela okufa. Oco ndu tiapula ño kuenje ndu weca.

LUKA 23:41

Puãi lietu liesunga, momo tua sanga eyambulo lia sesamela ovilinga vietu. Omunu u puãi ka lingile cimue cĩvi.

LUKA 23:47

Eci kesongo a mola ovina via lingiwa, wa tumbangiya Suku hati, Ocili omunu u, ukuesunga.

YOANO 19:7

Va Yudea vo kumbulula vati, Tu kuete ovihandeleko, kuenje, ndeci ci popia ovihandeleko viaco, eye wa sesamela okufa, momo wa litukula Mõla a Suku.

OVILINGA 13:28

Ndaño ka vo sangele leko lia sesamela okufa, haimo va pinga Pilato okuti ipaiwa.

VA ROMA 3:19

Kaliye, tu ci okuti cosi ovihandeleko vi popia vi popia lava va tiamela kovihandeleko, okuti ovimẽla viavo vi munĩhĩwa, kuenje oluali luosi lu tetuluiwa la Suku.

I TIMOTEO 4:2

Ovilongua viaco vi longisiwa lomanu va popia ombambe luhembi, haivo ovitima viavo via momẽla, huti ño, via kakuiwa locivela ca sanya.

TITO 1:16

Va popia vati, Tua kũlĩha Suku, puãi vo likala lovilinga viavo. Omanu vaco vãvi enene, va sina sina, kuenje kovilinga viosi viwa ka va silivila, ndaño naito.

VA HEVERU 7:26

Momo tu sukila ocili oku kala locitunda cinene ndoco okuti, cimue ci kola, haico ka ci kuete etondelo, ce lipua, haico ca tepiwa ku vakuakandu, kuenje ci kasi vekemalo kilu liovailu.

I PETULU 1:19

te losonde ya tĩla ya Kristu, haeye okameme ka pua etondelo, ka ka kuete etime.

I YOANO 3:12

oku setahala ukueliapu Kaini, una wa ponda manjaye, hacoko. Wo pondela nye? Wo ponda momo ovilinga viaye via vĩha, via manjaye via sunguluka.

ESITULUILO 11:10

Ava va tunga kilu lieve va yola epembe ovaprofeto vaco vavali, va sanjukila okufa kuavo, va liyolelisako loku liavela olombanjaile, omo ovaprofeto vaco va sakalaisaile ava va tunga kilu lieve.

I SAMUELE 15:24

Oco Saulu wa popia la Samuele hati, Nda linga akandu omo nda lueya ocihandeleko ca Yehova lolondaka viove, lomo nda kuatela omanu usumba loku tava kondaka yavo.

I SAMUELE 15:30

Saulu wa popia hati, Nda linga ekandu, haimo lumue sumbile kovaso akulu vomanu vange kuenda kovaso a va Isareli. Tu tiukile oco ha fendele Yehova Suku yove.

I SAMUELE 19:5

Momo wambatele omuenyo waye peka, yu wa ipaya u Filisiti. Yehova wa muisa va Isareli eyulo liocili. Ove muẽle wa ci mõla, haive wa ci sanjukila. Oco hẽ, nye o lingila ekandu lioku pesela osonde yomamale poku ipaya Daviti olivova?