MATEO 26:39 - Embimbiliya - Bíblia Sagrada em Umbundu

³⁹ Oco wa amako kamue, wa tuvika ocipala posi kuenje wa likutilila hati, A Tate, nda ci tava, okopo eyi yi ndomboke, puãi ndeci nda panga hacoko, te eci ove o panga.

MATEO 26:39 Iomraidhean Croise

EFETIKILO 17:3

Avirama wa wila posi, wa lituvikapo, kuenje Suku wa popia laye hati,

II SAMUELE 15:26

Puãi nda Suku o linga hati, Sia ku sanjukilile, tala, amilo, a linge lame ndeci co sunguluka.

I ASAPULO 21:16

Daviti wa petula ovaso aye kuenje wa mõla ungelo wa Yehova o tai pokati kosi lilu. Peka liaye pali osipata ya tua yõluiwilua Yerusalãi. Oco Daviti kumue lakulu, haivo va wala ovikelei, va lituvika posi.

ISAYA 50:5

Ñala Yehova wa situlula etuĩ liange, kuenje sia sinĩle, sia tiukilile konyima.

ISAYA 53:12

Oco ndu tepisa onepa lava vanene, kuenje o liamũila eci ca pundiwa kumue la vakualohõlo: momo wa pesela omuenyo waye toke kokufa kuenje wa tendiwa lava va lueya; haimo wambata akandu omanu va lua, kuenje wa fundila ava va lueya.

ESEKIELE 1:28

Ndemolẽhẽlo liolukongolo velende eteke liombela oco ca kala emolẽhẽlo liocinyi ca ñualako. Oco ca kala emolẽhẽlo liocisetahãi culamba wa Yehova. Eci nda ci mõla nda wila posi, nda lituvikapo, kuenje nda yeva ondaka yu wa popia.

ATENDELO 14:5

Oco Mose la Arone va wila posi, va lituvikilapo kovaso owiñi wosi wa va Isareli.

ATENDELO 16:22

Puãi va wila posi kuenje va lituvikapo, va pula vati, A Suku, Suku yovilelembia viomanu vosi, nda umosi o linga ekandu o temẽla owiñi wosi?

MATEO 20:22

Puãi Yesu wa kumbulula hati, Ka wa kũlĩhili eci vu pinga. Vu tẽla oku nyua okopo ndaika oku nyua? Va popia laye vati, Tu ci tẽla.

MATEO 24:24

Momo ku katuka va Kristu vesanda lovaprofeto vesanda, kuenje va lekisa ovilimbu vinene lovikomo okuti nda ci tava, va lueyisa vonjila ndaño vava va noliwa.

MATEO 26:42

Kuenje wa enda vali, wa likutilila hati, A Tate, nda ka ci tava okuti okopo eyi yi ndomboka, te ndi yi nyua, oco ocipango cove ci ligiwe.

MARKO 13:22

Momo ku katuka va Kristu vesanda lovaprofeto vesanda, kuenje va lekisa ovilimbu vinene lovikomo ha va kembisa, nda ci tava, ndaño ava va noliwa.

LUKA 17:16

kuenje, oku kekamela posi kolomãi via Yesu, wo panduila. Eye haeye u Samária.

YOANO 11:41

Oco vopako ewe, kuenje Yesu, oku petula ovaso aye, wa linga hati, A Tate, hu pandula omo wa njeva.

YOANO 14:31

Puãi ame ndinga ndeci Isia a ñundika oco oluali lu limbuke okuti ame sole Isia. Votoki. Tu tundi mulo.

YOANO 18:11

Oco Yesu wa popia la Petulu hati, Someha osipata yove vocilalo. Okopo Tate a nyiha hẽ, si yi nyui?

YOANO 5:19

Yesu wa popia lavo hati, Mopia lene siti, Ocili, ocili, Mõla ka tẽla oku linga cimue eye muẽle, te eci a lete ku Isia oco lika a linga, Cosi Isia a linga haico Mõla a lingavo.

YOANO 5:30

Si tẽla oku linga cimue lika liange. Ndeci ndi yeva, haico netulula, kuenje onimbu yange yesunga, momo si sandi oku linga ocipango cange, te ocipango cu wa numa.

YOANO 6:38

Momo sia tundilile kilu oku linga ocipango cange, te ocipango cu wa numa.

OVILINGA 10:25

Eci Petulu a iñila, Korneliu wo tambula, wa wila posi, kuenje wo fendela.

VA FILIPOI 2:8

Kuenje, omo a citiwa ndomunu, oco wa liketisa, kuenje wa pokola toke kokufa, ndaño okufa kuokekulusu.

VA HEVERU 5:7

Yesu, koloneke a kala letimba, wa lomba lomba, loku likutalaila, loku liyula lasuelela ku wa tẽla oku u popela kokufa, kuenje wa yeviwa momo wa sumbila Suku.

ESITULUILO 19:10

Oco nda kupukila posi kolomãi viaye oku u fendela, puãi eye wa popia lame hati, Ku ka ci linge. Ame ndindingupange kumue love lava vasitue love, haivo va kolela uvangi wa imbiwa la Yesu. Fendela Suku. Momo uvangi wa imbaiwa la Yesu owo utima wovaprofeto.