MATEO 26:29 - Embimbiliya - Bíblia Sagrada em Umbundu

²⁹ Puãi mopia lene siti, Kepako eli liuyuva, tunde opo, si nyuiko vali, toke keteke ndi nyuila liokaliye kumue lene vusoma wa Tate.

MATEO 26:29 Iomraidhean Croise

OLOSAMO 104:15

lovinyu vi sanjuisa utima womunu, kuenda ulela u ninisa ocipala caye, lombolo yi kolisa utima womunu.

OLOSAMO 4:7

Wa ñapa onjolela ya piãla vutima, onjolela yavo, eteke olomema lovinyu viavo vi lua, yi sule.

OLOSAMO 40:3

Wa ñapa vomela ocisungo cokaliye, haico cesivayo ku Suku yetu. Va lua va ci mola va kuata usumba, kuenje va kolela Yehova.

OCISUNGO CA SALOMONE 5:1

Ndeya kocumbo cange, a manjange, a ndombua yange. Njunga mura yange loku kuata olosimbolua viange. Owiki wange wovovingo nda lia. Nda nyua ovinyu viange lasenjele. Akamba vange, li, nyui. Nyui ca lua, ene avakuacisola cange.

ISAYA 25:6

Vomunda yilo Yehova Ukualohoka o lingilamo olofeka viosi ofesta yovina via lẽla, ofesta yovinyu viale, yovina via lẽla haivio vie yuka upuma, ofesta yovinyu viale haivio via kenjiwa ciwa.

ISAYA 53:11

O mõla epako liomuenyo waye kuenje o sanjuka. Lukulihiso waye ukuenje wange ukuesunga o muisa valua esunga; eye muẽle ambata olongole viavo.

SOFONIYA 3:17

Yehova Suku yene o kasi vokati kove; eye ukuonene woku ku muisa eyulo. O ku sanjukila lonjolela; o ku tumbulula locisola caye; o ku sanjukila loku imba ovisungo

SAKARIYA 9:17

Uwa waco u lua cimue! Lunumbu waco lawovo u lua. Otiliku yi sanjuisa akuenje, kuenda ovinyu viokaliye vi sanjuisa afeko.

MATEO 13:43

Oco vakuesunga va taima ndekumbi vusoma wa Isiavo. U o kasi lovatui oku yeva a yeve.

MATEO 16:28

Mopia lene siti, Ocili, vamue va tãi kulo ka va mahi okufa toke va mola Mõlomanu iya vusoma waye.

MATEO 18:20

Momo apa pali vavali pamue vatatu va liongoluila vonduko yange haipo ñasi pokati kavo.

MATEO 25:34

Oco Soma o popia lava va kasi kondio yaye hati, Enjui ene wa sumũlũisui la Tate, ndo piñali usoma wo wangiliyilui tunde koku seveta oluali.

MATEO 26:28

momo eyi osonde yange yocisila, yi peseliwila va lua ongecelo yakandu.

MATEO 26:30

Eci va imba ocisungo oco va tunda, va enda komunda yo Oliveira.

MATEO 28:20

Va longisi oku linga ovina viosi ndo kundiki. Kuenje ame ñasi lene kumue oloneke viosi toke kesulilo lioluali.

MARKO 14:25

Mopia lene siti, Ocili si nyui vali kepako liuyuva, te keteke ndi nyuila epako liokaliye vusoma wa Suku.

LUKA 12:32

Akacunda, ku ka kuate usumba, momo Isiene wa panga oku wihi usoma.

LUKA 15:32

Ca tu sesamela oku sanjuka loku yolela momo u, manjove, wa file, yu o kasi vali lomuenyo, wa nyelile, yu wa sangiwa.

YOANO 15:11

Ovina evi ndo vi popeli okuti esanju liange li kala vokuene, kuenje esanju liene li suapo.

YOANO 16:22

Oco cilo, ene wa sumui, puãi ndu moli vali, lovitima viene vi yolela, kuenje lomue u nyehi onjolela yene.

YOANO 17:13

Puãi cilo njiya kokuove, kuenje ovina evi ndi vi popela voluali, okuti onjolela yange yi telisiwila vokuavo.

OVILINGA 10:41

puãi hakomanu vosiko, te kokuetu tulombangi via noliwa ale la Suku, haetu tua lila lila kuenda tua nyuila nyuila kumue laye eci a pinduka ku vakuavilangu.

VA HEVERU 12:2

Eci tu lupuka tu tulukili ku Yesu, u wa linga usovoli wekolelo lietu, haeye wa mala oku li suisapo. Eye, mekonda liesanju lio kapiwila kovaso, wa pandikisa oku tala ohali yekulusu, wa pembula osõi, kuenje cilo wa tumala kondio yocalo ca Suku.

ESITULUILO 14:3

Va imbila ocisungo cokaliye kovaso yocalo lo kovaso yoviendalomuenyo viaco vikuãla lakulu vaco. Lomue o tẽla oku lilongisa ocisungo caco te olohũlũkãi ocita lakui akuãla la vikuãla viavandeti va yovuiwa kilu lieve.

ESITULUILO 7:17

Momo Kameme o kasi kocalo eye o linga ungombo wavo, haeye o va songuila kolono viovava omuenyo, kuenje Suku o puenya asuelela osi kovaso avo.