MATEO 26:13 - Embimbiliya - Bíblia Sagrada em Umbundu

¹³ Ocili mopia lene siti, Kuosi ondaka yiwa yi kundilua voluali luosi, eci ca linga ukãi u ci sapuiwa ndonjivaluko yaye.

MATEO 26:13 Iomraidhean Croise

OLOSAMO 112:6

Momo ukuesunga lalimue eteke a sengiwa. Ondingesunga yi ivalukiwa oloneke viosi.

ISAYA 52:9

Alunda a Yerusalãi, kaluki lonjolela, imbili kumuamue ovisungo, momo Yehova wa lemba omanu vaye, yu wa yovola Yerusalãi.

MATEO 24:14

Kuenje ondaka eyi yiwa yusoma yi kundilua kuoha koluali, ha yi lingi uvangi kolofeka viosi, oco esulilo liya noke.

MATEO 28:19

Oco kuendi, ka tavisi olofeka viosi oco va linge olondonge. Va papatisili vonduko ya Tate la Mõla, kuenda Espiritu Sandu.

MARKO 13:10

Puãi ka ci lingiwa te ondaka yiwa yi kundiwila olofeka viosi.

MARKO 14:9

Kuenje mopia lene siti, Ocili, kuoha ondaka yiwa yi kundilua, kuosi kilu lieve, eci ukãi u a linga cu ko tukuilua onjivaluko yaye.

MARKO 16:15

Kuenje wa popia lavo hati, Kuendi kuosi kilu lieve. Kundi ondaka yiwa koviluvo viosi.

LUKA 24:47

citivo okulikekembela akandu kuenda okuecelua ku kundilua vonduko yaye kolofeka viosi oku fetikila ko Yerusalãi.

OVILINGA 10:4

Korneliu, oku u tunguila ovaso wa lisalukako, oco hati, A Ñala, nye oco? Ungelo wa popia laye hati, Olohutililo viove loviali viove via pitila kilu ndonjivaluko kovaso a Suku.

VA ROMA 10:18

Puãi ndi pula siti, Ka va yevele hẽ? Va yeva muẽle, momo, Esapulo liao lia pitila kolofeka viosi, olondaka viao kesulilo lioluali luosi.

VA ROMA 15:19

lunene wovilimbu, lovikomo, lunene we Espiritu Sandu, Kristu a talavaya lavio viosi, okuti tunde ko Yerusalãi, ñuale-e toke ki Iliriku, nda sapula cosi condaka yiwa ya Kristu.

II VA KORINDO 10:18

Momo u o limbila uvangi eye muẽle heyeko o kolelua, te u Ñala a imbila uvangi.

VA KOLOSAI 1:23

Okuinalisa kuaco kuiya nda vu pandikisa vekolelo, okuti vu sevetiwa cocili loku pama, kuenje ka vu tundi kelavoko li kasi vondaka yiwa, yina wa yevi, haiyo ya kundiwila omanu vosi voluali. Lamevo ndi Paulu ñasi loku yi kunda kunda.

VA KOLOSAI 1:6

Ondaka yaco ya pitila ko kuene. Oku popia ocili yi kasi loku ima epako loku amamako oku kula voluali luosi. Yi kasi loku imavo epako loku amamakovo pokati kene, tunde keteke wa yevi ocili condaka yocali ca Suku kuenje yo lomboloki.

I TIMOTEO 2:6

Eye wa liecela oku yovola omanu vosi. Leci ca imbiwila uvangi eci otembo yaco yeya.

VA HEVERU 6:10

Momo Suku hokuanyako okuti ivalako upange wene kuenda ocisola wa lekisi loku vumba olosandu vonduko yaye, ndeci vu kasi loku linga toke opo.

ESITULUILO 14:6

Oco nda mola ungelo ukuavo. Wa kala loku palala vokati kilu. Wambata esapulo liwa liotembo ka yi pui oku sapula komanu va tunga kilu lieve, lo kolofeka viosi, lo kapata osi, lo ku vakualimi aiñi aiñi osi, lo komanu vosi.

I SAMUELE 2:30

Oco Yehova, haeye Suku ya Isareli, wa popia hati, Ocili, nda likuminyile okuti epata liove lepata lia so vu kala ciwa lame otembo ka yi pui. Cilo puãi Yehova hati, Nda litiulamo muẽle. Ava va sumbila ame, ovo sumbilavo, lava va membula ame, ovo va pembuiwavo.