MATEO 24:8 - Embimbiliya - Bíblia Sagrada em Umbundu

⁸ Puãi ovina evi efetikilo ño liolongembia.

MATEO 24:8 Iomraidhean Croise

ISAYA 10:4

Lacimue ca siala te lika oku liketisa pokati kolomandekua, pamue oku kupukila pokati kava va fa. Haimo onyeño yaye ka ya imũhĩle kuenje eka liaye lopo liõlõha.

ISAYA 9:12

Kutundilo va Suria, kutakelo va Filisiti, kuenje va lia Isareli lomẽla wasama. Haimo onyeño yaye ka ya imũhĩle, puãi eka liaye lopo liõlõha.

ISAYA 9:17

Oco Ñala ka sanjukila ipombokuenje viavo, ndaño olosiwe viavo kuenda ovimbumba viavo ka vi kuetele ohenda; momo vosi va likala Suku, haivo vakuevĩho. Omẽla wosi u popia popia esanda. Haimo onyeño yaye ka ya imũhĩle kuenje eka liaye lopo liõlõha.

ISAYA 9:21

Manase o lia Efarimi kuenda Efarimi o lia Manase; kavali kavo va katukila Yuda. Haimo onyeño yaye ka ya imũhĩle, kuenje eka liaye lopo liõlõha.

HOSEA 13:13

Olongembia ndeci viukãi o kasi loku cita vio kuata. Eye puãi oñaña ya huka. Momo otembo ya pitila puãi ka yiya konjila yoku citiwa.

MARKO 13:8

Momo ofeka yi katukila ofeka, lusoma u katukila usoma. Ku kala okululuma kuongongo kuiñi kuiñi. Ku kalavo onjala. Ovina evi efetikilo ño liolongembia.

LUKA 21:12

Puãi osimbu ovina evi viosi ka via lingiwile, vo kuati kuenda vo kangisi, vo pakuili kolosunangonga lo kotuyike kuenje vu tualiwila onduko yange kolosoma kuenda kolonguluvulu.

ESINUMUĨLO 28:59

oco, Yehova o ku nenela ove lombuto yove afengi a kãla, ha-o a lua kuenje a kala osimbu. O ku nenelavo ovovei a enda ño-o hũ.

I VA TESALONIKE 5:3

Eci omanu va kasi loku linga vati, Tua kolapo, tu kasi lombembua, oco okunyõleha ocipikipiki kuiya kokuavo, ndeci olongembia viya ku o misi. Oku puluka ka ku kala.

TIAGO 5:1

Kaliye alohuasi, lili loku liyuila ohali yi kasi loku iya kokuene.