MATEO 24:42 - Embimbiliya - Bíblia Sagrada em Umbundu

⁴² Oco lavululi, momo ka wa kũlĩhili eteke Ñala yene eya.

MATEO 24:42 Iomraidhean Croise

MATEO 24:36

Puãi eteke liaco lola yaco lomue wa yi kũlĩha, ndaño ovangelo vokilu, ndaño Omõla, te Isia lika.

MATEO 24:43

Puãi limbuki okuti nda muẽleanjo wa kũlĩhile ocipo cokuiya kuocimunu, nda wa lavuluile, kuenje nda ka tavele okuti ocimunu ci tuiyila onjo yaye.

MATEO 24:44

Oco liangiliyi, momo Mõlomanu iya owola ka wa simili.

MATEO 25:10

Osimbu va ka landa, sandombua weya kuenje ava va lipongiya ale va iñila laye kuvala, kuenje ava va lipongiya ale va iñila laye kuvala, kuenje epito lia yikiwa.

MATEO 25:13

Oco lavululi, momo ka wa kũlĩhili eteke liaco, ndaño ekumbi.

LUKA 21:34

Lilavi sanga ovitima viene vi vulua lelelele luholua kuenda ovikele viokomuenyo wokilu lieve, kuenje eteke liaco liu wili ocipikipiki ndulivi.

LUKA 21:36

Puãi lavululi olonjanja viosi loku likutilila okuti vu kala longusu yoku puluka kovina evi viosi viya, ho talami kovaso a Mõlomanu.

VA ROMA 13:11

Kuenda vali, wa kũlĩhi otembo, okuti yilo oyo ola yoku pasuka kotulo. Momo epopelo lietu cilo li kasi ocipepi, cina tua tava ci sule.

I VA KORINDO 16:13

Lavululi. Tuameli vetavo. Kuati utõi. Kolisiko.

I VA TESALONIKE 5:6

Oco, ka tu ka pekeli ndavakuavo, puãi tu lavululi loku lisuluvika kuholua.

I PETULU 4:7

Esulilo liovina viosi vi kasi ocipepi. Oco lunguki. Feleveli lolohutililo.

I PETULU 5:8

Lunguki. Lavululi. Unyali wene eliapu o ñuala ñuala ndohosi yi koma oku sandiliya u a lia.

ESITULUILO 16:15

Ota, njiya ndocimunu. U ka pekela puãi o lavulula kuenje o lava olonanga viaye ndokuti ka endi epõlõla loku kutiwa osõi, eye wa sumũlũha.