MATEO 24:4 - Embimbiliya - Bíblia Sagrada em Umbundu

⁴ Kuenje Yesu wa kumbulula hati, Lunguki sanga umue u kemba.

MATEO 24:4 Iomraidhean Croise

YEREMIYA 29:8

Ca popia Yehova Ukualohoka, Suku ya Isareli, ceci, hati, Ovaprofeto kuenda vakuakutãha va kasi pokati kene ka va ko kembi. Ko ka tavi kolonjõi viavo va lota lota.

YEREMIYA 37:9

Ca popia Yehova ceci, hati, Ko ka likembisi hoti, Ocili va Kaldea va tu tunda, momo ka va tundi.

MARKO 13:22

Momo ku katuka va Kristu vesanda lovaprofeto vesanda, kuenje va lekisa ovilimbu vinene lovikomo ha va kembisa, nda ci tava, ndaño ava va noliwa.

LUKA 21:8

Eye wa va kumbulula, hati, Lunguki sanga vu lueyisua. Momo va lua veya londuko yange vati, Ame, kuenda vali vati, Eteke lieya. Ko ka va kuami.

VA GALATIA 6:3

Momo omunu nda wa soka hati, Ame nda piãla, puãi ka piãlele, wa likemba eye muẽle.

VA EFESO 4:14

Oco ka tu lingi vali omãla va punguaiwa lolofela viosi viokulongisa lokulunguka kuomanu, latutu avo oku wengula esanda.

VA EFESO 5:6

Lomue ka ka vu liañe lolondaka viesanda, omo ovina ndovio ovio vi koka onyeño ya Suku yi wila omãla vakuesino.

VA KOLOSAI 2:18

Lomue ka ko pumbisi onima yene poku u kisiki okulikandangiya kuaño loku fendela ovangelo. Omunu waco wa kolela ovinjoinjoi, kuenje wa likolela esanda, omo utima waye we yuka vietimba.

VA KOLOSAI 2:8

Lunguki sanga umue o nyõla etavo liene lovilongua viesanda liaño. Va sole oku tõlisa ño ovisila viomanu lovihõlo violuali, vina ka via tundile ku Kristu.

II VA TESALONIKE 2:3

Lomue ka ko kembi, momo eteke liaco ka liya te tete olukonyo lueya, kuenje omunu wekandu o tukuluka, eye omõla enyõleho,

I YOANO 4:1

A vakuacisola, ko ka tavi kaspiritu osi, puãi seteki aspiritu nda a Suku nda ndati. Momo ovaprofeto vesanda va lua va sandukila voluali.