MATEO 24:21 - Embimbiliya - Bíblia Sagrada em Umbundu

²¹ Momo koloneke viaco ku kala ohali ya lua, yimue ya linga ndoyo ka ya leya tunde kefetikilo lioluali toke cilo, kuenje ka yiya vali.

MATEO 24:21 Iomraidhean Croise

ESEKIELE 5:9

Kuenje, mekonda liumbondo wove wosi, ndinga love eci sia la linga, leci ca soka laco si ci lingi vali.

DANIELE 12:1

Koloneke viaco ku katuka Mingeli, ombiali yinene haeye ombindikiyi yomãla vepata liene. Oco ku kala otembo yohali, okuti ya linga ndoyo ka ya leya tunde kefetikilo liolofeka toke opo. Koloneke viaco, epata liene li popelua, okuti u wosi onduko yaye yi sangiwa okuti ya sonẽhĩwa velivulu.

DANIELE 9:26

Kovaso yolosemana akũi epandu lavivali, Mesiya o tepiwako kuenje lomue o kala laye. Oco omanu vosoma yi laika oku iya va nyõla imbo locitumãlo ci kola. Esulilo liaye liya lendunde, kuenje toke kesulilo ku kala ovita, kuenda oku nyõla ndeci kua tukuiwa,

YOELI 1:2

Yeveleli, akulu. Lene alonungi viofeka, yeveleli! Koloneke viene, pamue koloneke violosekulu viene, kua la pita hẽ cimue ndoco?

YOELI 2:2

Eteke liaco eteke liowelema kuenda esumuo, hailio eteke lialende lowelema walua. Kuiya omanu va pama haivo vakahandangala. Va molẽha kolomunda ndolohuma. Tunde kosimbu ka kua la kala omanu ndovo, ndaño kovaso yanyamo ka ku kala, ndaño kovitumbulukila viya ka ku kala.

MALAKIYA 4:1

Momo, tala, kuiya eteke li taima ndofolono, kuenje vosi vakuakulipanda lava va linga lãvi va linga ndasila otiliku. Eteke liaco li kasi oku iya li va yoka, kuenje kokuavo ka ku siala ndaño olumbombo, ndaño ocanja. Oco ca popia Yehova Ukualohoka.

MATEO 24:20

Likutilili okuti okutila kuaco kuene ka kuiya koloneke viombambi pamue kesambata.

MATEO 24:29

Ndopo, kovaso yohali yoloneke viaco, ekumbi li vumbula, kuenje osai ka yeci owi wayo. Olombungululu vi loluka kilu, lovonene okilu a sengiwa.

MARKO 13:9

Puãi ene muẽle lunguki, momo vo pakuila kakanga, kuenje vu tipuilua volosunangonga, vu nalamela kovaso olonguluvulu lo kovaso olosoma oku njimbila uvangi kovaso avo.

LUKA 21:24

Va fa losipata, va tualiwa umandekua kolofeka viosi, kuenje Yerusalãi yi kosiwa la vakualofeka toke oloneke via vakualofeka vi sula.

I VA TESALONIKE 2:16

omo va tu tateka oku longisa vakualofeka okuti va popelua. Poku ci linga, va suisapo akandu avo olonjanja viosi. Puãi onyeño ya Suku ya va iyilila olumue.

ESITULUILO 16:18

Kuenje kua pita oviliakulo lonjuvungo lovilemĩlo. Kua pitavo ocilemawe cinene, ndokuti tunde kefetikilo liomanu kilu lieve ka kua la kala ocilemawe cinene ndoco.

ESITULUILO 7:14

Ame ndo kumbulula, siti, Ove o ci, a Ñala yange. Oco a popia lame hati, Ava, ovo vana va tunda kohali ya piãla. Olonanga viavo va vi sukula kuenda va vi yelisila vosonde ya Kameme.