MATEO 23:9 - Embimbiliya - Bíblia Sagrada em Umbundu

⁹ Ko ka tukuili omunu kilu lieve hoti, Isietu, momo Isiene umuamue, o kasi kilu.

MATEO 23:9 Iomraidhean Croise

II OLOSOMA 13:14

Kaliye Elisia wa vela uvei wo lia. Yoasi Soma ya Isareli weya kokuaye, yu wa lilila kovaso aye, hati, A tate, a tate, akalu a Isareli lavakuatuvalu tuaco!

II OLOSOMA 2:12

Elisia wa ci mõla, yu wa vilikiya hati, A tate, a tate! Akãlu a Isareli lavakuatuvalu tuaco! Kuenje ko muile vali. Wa kuata olonanga viaye muẽle, yu wa vi tola kovinimbu vivali.

II OLOSOMA 6:21

Soma ya Isareli eci a va mõla wa popia la Elisia hati, A tate, ndi va ipa, ale? Ndi va ipa?

MALAKIYA 1:6

Omõla o sumbila so yaye, haico ukuenje cime caye. Oco, nda ndinjali esumbilo liaco li kasi pi? Nda ndicime usumba va ñuetele u kasi pi? Oco Yehova Ukualohoka a popia lene, avitunda, haene wa pembuli onduko yange. Ene wu pula hoti, Tua pembula ndati onduko yove?

MATEO 23:10

Ko ka tukuiwi, vati, A cime, momo Cime cene umuamue, Kristu.

MATEO 6:32

Momo ovina viaco ovio vakualofeka va sakalala ño lavio oku vi sanda. Ene puãi, Isiene o kasi kilu wa kũlĩha ale okuti vu sesamela ovina evi viosi.

MATEO 7:11

Oco, nda ene vulondingaĩvi wa kũlĩhi oku eca oviali viwa komãla vene, Isiene o kasi kilu hẽ, ka velipo oku avela ava vo pinga ovina viwa?

OVILINGA 22:1

A vamanji, lene vu vo tate, yeveleli uvangi wange ndi popia lene cilo.

I VA KORINDO 4:15

Omo, ndaño wu kasi lohuluwa yovalongisi vu Kristu, haimo lumue, vaisiene ka va luile. Ame nda linga isiene vu Kristu Yesu eci ndo yevisi ondaka yiwa.

II VA KORINDO 6:18

ndinga Isiene, lene vu linga omãla vange valume lomãla vange vakãi. Oco ca popia Ñala Suku Tõlo.

VA HEVERU 12:9

Kuenda vali, tua kala la vaisietu va palo posi, va tu pokuisa kuenje tua va sumbila. Ka ca tu sesamelele hẽ ca piãla oku pokola ku Isia yaspiritu ha tu moli omuenyo?

I YOANO 3:1

Tali ocisola ca piãla ndomo Isia a tu ciha okuti tua tukuiwa omãla va Suku, kuenje ocili, tumãla vaye. Omo oluali ka luo kũlĩhile eye, oco ka lua tu kũlĩhilevo etu.