MATEO 23:5 - Embimbiliya - Bíblia Sagrada em Umbundu

⁵ Cosi va linga va ci lingila oku taliwa lomanu. Va vokinyako kolosilo viavo kuenje va luisa olonjenje violonanga viavo.

MATEO 23:5 Iomraidhean Croise

II OLOSOMA 10:16

kuenje hati, Ha tu ende, oco o tale ombili ñuetele Yehova. Oco wa enda laye vekalu liaye.

ETUNDILO 13:9

Cu lingili ndondimbukiso yopeka pamue ndonjivaluko yokocipala, okuti ocihandeleko ca Yehova ci kala vovimẽla viene. Omo Yehova wo wupili ve Egito leka lia pama.

OLOSAPO 3:3

Ohenda locili ka vi ka ku tunde, vi pandekela kosingo yove, vi soneha vutima wove,

OVISILA 13:32

Eteke liepanduvali ocitunda ci vanja uvei kuenje nda utumbutumbu ka wa sambukile, kuenda ka muli esinga li yeluluka, loku mõleha kuaco kutumbutumbu ka kua longele kosi yekova,

MATEO 9:20

Oco ukãi umue wa kala loku pita osonde ekui lianyamo kanyamo avali, weya konyima yaye yu wa lamba kolunjenje luwalo waye,

LUKA 16:15

Puãi eye wa popia lavo hati, Ene vu liyowisila kovaso omanu, puãi Suku wa kũlĩha ovitima viene. Momo eci ca sivayiwa lomanu, oco ku Suku ca linga umbondo.

LUKA 20:47

Va lia lia olonjo viovimbumba, kuenje, oku pipiya, va likutilila ovilañela. Episo liavo li piãla.

YOANO 12:43

momo va sola ca lua oku sivayiwa lomanu, oku sivayiwa la Suku ci sule.

YOANO 5:44

Vu kala ndati lekolelo, ene vu liaveli pokati ulamba ene muẽle, kuenje ko sandi ulamba u tunda lika ku Suku?

YOANO 7:18

U o popia ño eye muẽle, o sanda ulamba waye, puãi u o sanda ulamba wu wo tuma eye wocili. Vokuaye ka muli uhembi.

ESINUMUĨLO 11:18

Oco olondaka evi viange o vi seleka vutima wove kuenda vomuenyo wove. O vi kuta ndondimbukiso povaka ove, vi linga ndulame kocipala cove.

ESINUMUĨLO 22:12

Konanga yove yoku livatula, kasũsu aco akuãla kapako olonjenje.

ESINUMUĨLO 6:8

O vi kutila peka liove ndondimbukiso, kuenje vi linga ndulame kocipala cove.

VA FILIPOI 1:15

Ocili, vamue va kunda Kristu omo va kasi lonya luyaki, vakuavo puãi vo kunda omo ovitima viavo vie yuka onjongole yaco.

VA FILIPOI 2:3

Cosi vu linga, ko ka ci lingili omo vu yongola oku limuisa pamue oku lipanda, puãi, loku liketisa, tendi vakuẽle hoti, Ovo va velapo, etu tu sule.

II VA TESALONIKE 2:4

una o patãla, kuenje o lipiãlisa kovina viosi vi tukuiwa olosuku, levi vi fendalaiwa, okuti eye o tumala vonembele ya Suku oku litukola hati, Ame Suku.