MATEO 22:7 - Embimbiliya - Bíblia Sagrada em Umbundu

⁷ Puãi Soma, oku tema, wa tuma asualali vaye, kuenje wa nyõla olomondi viaco yu wa yoka imbo liavo.

MATEO 22:7 Iomraidhean Croise

DANIELE 9:26

Kovaso yolosemana akũi epandu lavivali, Mesiya o tepiwako kuenje lomue o kala laye. Oco omanu vosoma yi laika oku iya va nyõla imbo locitumãlo ci kola. Esulilo liaye liya lendunde, kuenje toke kesulilo ku kala ovita, kuenda oku nyõla ndeci kua tukuiwa,

YOELI 2:11

Yehova o vilikiya lolukandi kolohoka viaye, momo olohoka viaye via lua cimue. Lu o linga ocipango caye wa pama ca lua. Momo eteke lia Yehova linene, kuenda li linga usumba. Helie o li tẽla?

YOELI 2:25

Ndu piñainyalipo alima ana a liwa lolohoka viange yiokuti, olohuma lavõle lapange lapolovi nda tuma kokuene.

YOELI 3:2

oco ngongolola vakualofeka vosi. Ndi va lowisila vocimbota ca Yehosiafata, kuenje omo ndi va sombisila mekonda liomanu vange, haivo ocipiñalo cange Isareli, momo va va sanduila pokati kolofeka kuenje va litepela ofeka yange.

MATEO 22:6

kuenje vakuavo va kuata akuenje vaye, va va fũkĩlisa, yu va va ipa.

MATEO 22:8

Oco wa popia lakuenje vaye hati, Uvala wa pia, puãi ava va lalekiwile ka vo sungulukilile.

LUKA 19:27

Puãi ovanyali vange vana ka va njonguile okuti ndi va viala, va neni kulo, va ipaili kovaso ange.

LUKA 21:21

Oco ava va kasi vo Yudea va tilile kolomunda, lava va kasi vokati ka Yerusalãi va tundemo, lava va kasi ale kumue kuiñi ka va ka iñilemo.

LUKA 21:24

Va fa losipata, va tualiwa umandekua kolofeka viosi, kuenje Yerusalãi yi kosiwa la vakualofeka toke oloneke via vakualofeka vi sula.

I VA TESALONIKE 2:16

omo va tu tateka oku longisa vakualofeka okuti va popelua. Poku ci linga, va suisapo akandu avo olonjanja viosi. Puãi onyeño ya Suku ya va iyilila olumue.