MATEO 22:11 - Embimbiliya - Bíblia Sagrada em Umbundu

¹¹ Puãi, eci Soma a iñila oku vanja akombe, wa mola ulume ka walele uwalo wuvala.

MATEO 22:11 Iomraidhean Croise

II OLOSOMA 10:22

Wa popia la kalei kocisoleko covowalo hati, Vosi vakuakufendela Baale, va tundisilamo ovowalo. Oco wa va tundisilamo ovowalo.

ISAYA 52:1

A Siono, pasuka, pasuka, mãlẽha ongusu yove. A Yerusalãi, aimbo li kola, wala uwalo wove wa posoka; momo oviyamba ka vi iñilãmo vali, pamue vakuevĩho.

ISAYA 64:6

Momo etu vosi tua linga ndu wa liñisua, esunga lietu liosi lia linga ndocinyaña ca liña. Etu vosi tu uwuka ndemẽla, evĩho lietu li tu ambata ndeci ci linga ofela.

ASIÕSUILO 5:22

Ale wa tu inasi ño? pamue onyeño o tu kuetele ya pitahãla?

SOFONIYA 1:12

Kotembo yaco ñulĩhĩsa Yerusalãi lolondiyelo, kuenje njambula ava va tumãla ño konasi yavo, vana va likundakunda lovitima viavo vati, Yehova ka lingi ciwa, cĩvi ka ci lingivo.

MATEO 13:30

Vi kulile ño kumuamue toke koku lombola, kuenje koku lombola mopia la vakuakulombola siti, Handi, noli osoka, yi kuti ovitungu ho yi yoki, puãi unguili otiliku vosila yange.

MATEO 22:10

Akuenje va enda valila, vosi va sangamo va va konga, vakuevĩho la vakuesunga, kuenje uvala we yuka akombe.

MATEO 3:12

Ocipekulo caye ci li peka liaye. O yelisa ocimbandi caye. Unguila otiliku yaye vosila, puãi o yoka ovinene londalu ka yimiwa.

VA ROMA 13:14

Puãi wali Ñala Yesu Kristu. Ko ka eci ketimba evelo lioku linga oloñeyi vialio.

VA ROMA 3:22

Esunga liaco lia Suku li sangiwa la vosi va kolela Yesu Kristu. Momo ka kuli oku litepa,

I VA KORINDO 4:5

Oco, ko ka tetululi osimbu otembo yaco ka yeyile, okuti osimbu Ñala keyile. Eye o nena kutanya evi via wunda handi vowelema, haeye o situlula ovipango viosi viovitima. Kotembo yaco omunu omunu o panduiwa la Suku.

II VA KORINDO 5:3

ndokuti poku yi wala, ka tu kala vali epõlõla.

VA GALATIA 3:27

Momo ene vosi wa papatisilui vu Kristu, wa wali Kristu.

VA EFESO 4:24

Wali omunu wokaliye una wa tungiwa lesetahãlo lia Suku lesunga kuenda oku kola.

ESITULUILO 16:15

Ota, njiya ndocimunu. U ka pekela puãi o lavulula kuenje o lava olonanga viaye ndokuti ka endi epõlõla loku kutiwa osõi, eye wa sumũlũha.

ESITULUILO 19:8

Kuenje co wihiwa oku wala onanga yovalatanya yi yela tue. Onanga yaco yovalatanya oyo ovilinga via sunguluka violosandu.

ESITULUILO 2:23

Omãla vaye ndi va ponda. Kuenje akongelo osi a limbuka okuti ame ndukuakupendusula volonulo lo vovitima, haime ndu muisi omunu omunu eci ca sesamela ovilinga viene.

ESITULUILO 3:18

Oco hu lungula okuti o landa kokuange ulu wa yenguluiwa londalu hu lingi ohuasi, loku landavo olonanga vi yela hu wala ndokuti osõi yepõlõla liove ka yi moleha, loku landa onguendu hu sieketa layo vovaso hu vanji.