MATEO 21:43 - Embimbiliya - Bíblia Sagrada em Umbundu

⁴³ Oco mopia lene siti, Usoma wa Suku upiwa kokuene kuenje weciwa kofeka yima apako awo.

MATEO 21:43 Iomraidhean Croise

ETUNDILO 19:6

Ofeka yene yi kola kuenje yi linga ndocitunda cange. Evi ovio olondaka o sapuila va Isareli.

ISAYA 26:2

Yululi olombundi oco vakuesunga haivo vakuekolelo va iñilemo.

ISAYA 28:2

Ota, Yehova o kasi lu wa pama haeye ukuangusu, haeye wa soka ndekungukungu liociwe, pamue ndehunguhungu li nyõla, wa soka ndendunde lietande, o lundulula longusu.

MATEO 12:28

Puãi nda ame ndi tundisa ovilũlu le Espiritu lia Suku oco usoma wa Suku weyale kokuene.

MATEO 21:41

Va kumbulula vati, Olondingaĩvi viaco o vi nyõla lãvi, kuenje o kundika ocumbo caye cayuva kolongunja viñi, viu wiha apako aco kuvo waco.

MATEO 21:42

Yesu wa va pula hati, Ka wa la tangi vovisonehua okuti, Ewe lia inasi atungi olio lia lingiwa utue wevindi. Eci ca tunda ku Ñala, haico ocikomo vovaso etu.

MATEO 21:44

U o kupukila kewe eli o sasoha, puãi u li kupukila liu keleketa pe.

YOANO 3:3

Yesu wo kumbulula hati, Mopia love siti, Ocili, ocili, omunu ka tẽla oku mola usoma wa Suku, te wa citiwa evali.

YOANO 3:5

Yesu wa kumbulula hati, Mopia love siti, Ocili, ocili, omunu ka tẽla oku iñila vusoma wa Suku, te o citiwa lovava kuenda Espiritu.

I VA KORINDO 13:2

Ndaño ñuete owanji wuprofeto kuenda nda kũlĩha alumbu osi lukũlĩhiso wosi, ndaño ñuete ekolelo liosi okuti sondolola lalio olomunda, puãi si kuete ocisola, haimo ame sicimueko.

I PETULU 2:9

Ene puãi, vumbuto ya noliwa, haene vuvitunda viusoma, vufeka yi kola, vucikumba ca Suku, okuti vu lekisa ovilinga vi komohisa viona wo kovongi ho tundi vowelema, ha wivi kocinyi caye ci komohisa.