MATEO 21:13 - Embimbiliya - Bíblia Sagrada em Umbundu

¹³ Wa popia lavo hati, Ca sonehiwa citi, Onjo yange yi tukuiwa onjo yoku likutilila, puãi ene wa yi lingisi ocilala covingumba.

MATEO 21:13 Iomraidhean Croise

OLOSAMO 93:5

Ovisila viove ocili. A Yehova, okukola kua posokela onjo yove, oloneke ka vi pui.

ISAYA 56:7

ovo muẽle ndi va nena komunda yange yi kola, kuenje ndi va sanjuisila vonjo yange yoku likutilila. Ovilumba viavo vioku yoka kuenda ovilumba viavo vioku pia elisi vi tavelua kovotala ange; momo onjo yange yi tukuiwa onjo yoku likutilila yomanu vosi.

YEREMIYA 7:11

Anga kokuene onjo yilo, haiyo ya tukuiwa londuko yange, ya pongoloka ocilala covingumba? Tala, ame, ame muẽle, nda ci mõla. Oco ca popia Yehova.

MATEO 2:5

Vo sapuila vati, Vo Beteleme yo vo Yudea; momo oco ca sonehiwa luprofeto, hati,

MARKO 11:17

Yu oku longisa wa popia lavo hati, Ka ca sonehiwile citi, Onjo yange yi tukuiwa onjo yolofeka viosi yoku likutilila? Puãi ene wa yi lingisi ocilala covingumba.

LUKA 19:45

Yu wa iñila vonembele kuenje wa fetika oku tundisa vakuakulandisa.

LUKA 19:46

Wa popia lavo hati, Ca sonehiwa citi, Onjo yange yi linga onjo yoku likutilila, ene puãi wa yi lingisi ocilala covingumba.

YOANO 15:25

Puãi ca lingilua ondaka yocihandeleko cavo citi, Va suvuka ño olivova.