MATEO 2:5 - Embimbiliya - Bíblia Sagrada em Umbundu

⁵ Vo sapuila vati, Vo Beteleme yo vo Yudea; momo oco ca sonehiwa luprofeto, hati,

MATEO 2:5 Iomraidhean Croise

EFETIKILO 35:19

Oco Rahele wa fa, kuenje vo kenda konjila yoku enda ko Efarata, haiko ko Beteleme.

MATEO 2:1

Eci Yesu a citiwa vo Beteleme yo vo Yudea voloneke viosoma Herode, oco olonoño viokutundilo vieya ko Yerusalãi kuenje via popia, viti,

MATEO 2:4

Oco wongolola ovitunda viosi vinene la vakuavisonehua vofeka, yu wa va pula hati, Kristu o citiwila pi?

YOANO 7:42

Ocisonehua hẽ, ka ca popele citi, Mesiya ukuambuto ya Daviti, o tunda ko Beteleme, kimbo oko kua tungile Daviti?

YEHOSUA 19:15

Kuenda vali Katati, Nahalali, Simerone, Idala, Beteleme, ovaimbo ekui la avali kumue lovikanjo viao.

LIOLONGANJI 17:7

Ko Beteleme ya Yuda kua kala ocikuenjepombo cimue, ukuepata lia Yuda, haeye u Lewi. Oko a tumala.

RUTI 1:1

Koloneke viokuviala kuolonganji vofeka mueya onjala. Kuenje ulume umue u Beteleme-Yuda wa enda oku ka tunga vofeka ya Moavi, eye lukãi waye kuenda omãla vaye vavali valume.

RUTI 1:19

Oco kavali kavo va enda ño toke va pitila ko Beteleme. Eci va pitila ko Beteleme oco imbo liosi lia va yolela. Akãi va pula vati, U hẽ Naomi ale?

RUTI 2:4

Kuenje ota, Boasi u Beteleme wa popia lavakuakuungula hati, Yehova a kale lene. Ovo vo kumbulula vati, Yehova a ku sumũluise.

RUTI 4:11

Kuenje omanu vosi va kala vepandavelo, kumosi lakulu, vati, Tulombangi. Lukãi waco iñila vonjo yove Yehova o sokise la Rahele kuenda Lea, vana vavali va tunga ocili onjo ya Isareli. Lovevo amamako koku kala ciwa ve Efarata. Kemãla vo Beteleme.

I SAMUELE 16:1

Yehova wa popia la Samuele hati, Oloneke viñami o sumuĩla Saulu? Siti ame ndo pañula okuti ka lingi vali osoma ya va Isareli. Yukisa ombinga yove lulela. Kuende. Hu tuma ku Jese u Beteleme momo pokati komãla vaye valume opo nda linolẽla osoma.