MATEO 2:13 - Embimbiliya - Bíblia Sagrada em Umbundu

¹³ Pana okuti va enda ale oco ungelo wa Ñala wa tukulukila ku Yosefe vonjoi hati, Pasuka, yelula okamõla la inako. Tilila ke Egito. Oko o ka kala toke hu pañinya, momo Herode o sanda okamõla ha ka ipa.

MATEO 2:13 Iomraidhean Croise

I OLOSOMA 11:17

oco Hadada wa tilila kEgito kumue la va Edome vamue, akuenje va isiaye, Hadada wa kala handi okamõla.

I OLOSOMA 3:5

Ko Giveone, Yehova wa tukulukila Salomone kuteke, vonjoi. Suku wa popia hati, Tukula eci ndu ku iha.

YOVI 33:15

O popela vonjoi, pamue vocinjonde covuteke eci omanu va kasi kotulo povola avo,

YOVI 33:17

okuti o tiuwiya omunu kueci cĩvi loku u tindula kokulituna kuaye.

ETUNDILO 1:22

Fareo yu wa handeleka omanu vaye vosi hati, Omõla wosi ulume o citiwa ku va Isareli wimbi volui, puãi omõla wosi ukãi a kale lomuenyo.

MATEO 1:20

Puãi, osimbu a sokolola ovina evi, ungelo wa Yehova wo tukulukila konjoi, wa linga hati, A Yosefe, amõla a Daviti, ku ka kale lohele yoku kuela ukãi wove Maria, momo wa ihiwa imo le Espiritu Sandu,

MATEO 10:23

Eci vo talisi ohali vimbo eli, tilili kimbo likuavo, momo mopia lene siti, Ocili, ko mosula ovaimbo a Isareli osimbu Mõlomanu keyile.

MATEO 2:12

Oco, omo va lunguiwa lonjoi okuti ka va tiukila ku Herode, va enda lonjila yiñi kofeka yavo.

MATEO 2:14

Oco Yosefe wa pasuka, wa yelula okamõla kuenda inako kuteke, kuenje wa enda ke Egito.

MATEO 2:16

Oco Herode, eci a limbuka okuti wa limbikua lolonoño, wa fungula kuenje wa tuma oku ipa omãla valume vosi vo vo Beteleme lava vovovaimbo osi a sungueko, okuti omãla vosi tunde koloñaña toke kuava va tẽla alima avali. Okutenda kuaco wa ku sokisa lotembo ya tukuiwa lolonoño.

MATEO 2:22

Puãi, eci a yeva okuti Arkelau o viala ko Yudea komangu ya isiaye Herode, oco wa kuata ohele yoku endako. Kuenje, omo a lunguiwa lonjoi, oco wa pinyanyuhila konele ya Galilea.

OVILINGA 10:22

Ovo va kumbulula vati, Kesongo lietu, Korneliu, wa lunguiwa lungelo umue o kola oku ku tumila okuti wenda konjo yaye, momo o yongola yeva ondaka yove. Eye omunu wa sunguluka, haeye wa sumbila Suku, kuenje va Yudea vosi vo wimbila uvangi uwa.

OVILINGA 10:7

Eci ungelo wa kala loku popia laye a enda, oco Korneliu wa kovonga akuenje vamue vaye vavali, kuenje, pasualali vo vumba, wopapovo limue lia sunguluka.

OVILINGA 12:11

Eci mueya olondunge Petulu wa linga hati, Kaliye nda ci limbuka okuti Ñala wa tuma ungelo waye yu wa mopela peka lia Herode, lo kovina viosi via lavoka va Yudea.

OVILINGA 12:7

Ocipikipiki kua moleha ungelo wa Ñala, kuenje ocinyi ca tuila vokahondo. Ungelo wa veta Petulu pepati, wo pasula, kuenje wa linga hati, Pasuka lombili, oco alienge a loluka kovoko aye.

OVILINGA 16:36

Oco kalei kokayike wa ci sapuila Paulu hati, Olonganji via tuma, viti, Va va ece. Oco tundi ño. Kuendi lombembua.

OVILINGA 5:19

Puãi pokati kuteke, ungelo wa Ñala wa yikulula apito okayike, wa vopamo kuenje wa popia hati,

OVILINGA 7:19

Eye wa kala latutu oku linga cĩvi lepata lietu. Wa handeleka olosekulu vietu oku inasi oloñaña viavio okuti ka vi kala vali lomuenyo.

YEHOSUA 3:13

Tuli olomai viovitunda vina viambata ocikasa ca Yehova, Ñala yilu lieve liosi, vi liatela vovava a Yordão, oco ovava a Yordão a kotuiwa, ovava a tunda konano a talama, a linga ondunda.

YEHOSUA 3:17

Ovitunda vina viambata ocikasa covisila via Yehova, via talama siũ posi ya kukuta vokati ka Yordão, osimbu va Isareli vosi va yokila posi ya kukuta, toke omanu vosi va puako oku yoka Yordão.

YEHOSUA 4:10

Momo ovitunda vina viambata ocikasa via talama vokati ka Yordão, toke cosi Yehova a tumile Yehosua oku sapuila omanu ca malusuka, kuenda ca lingiwa ndeci cosi Mose a sapuila Yehosua. Kuenje omanu va yayulako, ya va yoka.

YEHOSUA 4:18

Eci ovitunda vina viambata ocikasa covisila via Yehova via tunda vokati ka Yordão, leci olomai viovitunda via liata kongongo, oco ovava a Yordão a litiukamo, kuenje a samohaila kovingeingei vialuo viosi, ndomo a kala ale.

ESITULUILO 12:14

Ukãi puãi wa ihiwa avava avali ongonga yinene yulombo, okuti o palala, o sia onyoha loku tilila kekalasoko oko a ka kala, haiko va ko tekuila otembo lolotembo lomeyu yotembo.

ESITULUILO 12:4

Ucĩla waco wa komba ombandu yatatu yolombungululu viokilu, kuenje wa vi imba kilu lieve. Ocinyoha ca talama kovaso yukãi wa soka oku cita ndokuti, nda o cita, ci lia omõlaco.

ESITULUILO 12:6

Ukãi wa tilila kekalasoko oko ku kasi apa Suku o wangiliyila, haipo o tekuiwila ohũlũkãi lovita vivali lakui epandu koloneke.