MATEO 2:12 - Embimbiliya - Bíblia Sagrada em Umbundu

¹² Oco, omo va lunguiwa lonjoi okuti ka va tiukila ku Herode, va enda lonjila yiñi kofeka yavo.

MATEO 2:12 Iomraidhean Croise

EFETIKILO 31:24

Puãi Suku weya ku Lavane u Suria konjoi kuteke, wa popia laye hati, Lunguka, ku ka popie cimue la Yakoba, ndaño ciwa ndaño cĩvi.

ETUNDILO 1:17

Puãi vakuakuovolola vaco va sumbila Suku, ka va lingile ndomo mua va handeleka osoma ye Egito, va popela omuenyo womãla vaco valume.

DANIELE 2:19

Oco onjoi ya Soma ya situluiwa ku Daniele kocinjonde pokati kuteke, kuenje Daniele wa tumbangiya Suku yokilu.

MATEO 1:20

Puãi, osimbu a sokolola ovina evi, ungelo wa Yehova wo tukulukila konjoi, wa linga hati, A Yosefe, amõla a Daviti, ku ka kale lohele yoku kuela ukãi wove Maria, momo wa ihiwa imo le Espiritu Sandu,

MATEO 2:13

Pana okuti va enda ale oco ungelo wa Ñala wa tukulukila ku Yosefe vonjoi hati, Pasuka, yelula okamõla la inako. Tilila ke Egito. Oko o ka kala toke hu pañinya, momo Herode o sanda okamõla ha ka ipa.

MATEO 2:19

Puãi, eci Herode a fa, oco ungelo wa Ñala wa tukulukila ku Yosefe vonjoi ve Egito, hati,

MATEO 2:22

Puãi, eci a yeva okuti Arkelau o viala ko Yudea komangu ya isiaye Herode, oco wa kuata ohele yoku endako. Kuenje, omo a lunguiwa lonjoi, oco wa pinyanyuhila konele ya Galilea.

MATEO 27:19

Kuenda vali, osimbu a tumala komangu yekanga ukãi waye wa tumile kokuaye hati, Ku ka linge cimue omunu una ukuesunga, momo etaili nda tala ohali vonjoi ndo lotela.

LUKA 2:26

Co situluilua le Espiritu Sandu okuti ka moli okufa te tete wa mola Mesiya ya Ñala.

OVILINGA 10:22

Ovo va kumbulula vati, Kesongo lietu, Korneliu, wa lunguiwa lungelo umue o kola oku ku tumila okuti wenda konjo yaye, momo o yongola yeva ondaka yove. Eye omunu wa sunguluka, haeye wa sumbila Suku, kuenje va Yudea vosi vo wimbila uvangi uwa.

OVILINGA 4:19

Petulu la Yoano puãi va va kumbulula vati, Nda esunga kovaso a Suku oku tava kokuene, okuti ku Suku hakoko, ci popi, ene muẽle.

OVILINGA 5:29

Puãi Petulu lovapostolo va kumbulula vati, Cetu oku pokola ku Suku, komanu hakoko.

I VA KORINDO 3:19

Omo olondunge violuali lulo ku Suku via soka nduveke. Momo ca sonehiwa okuti, Eye o kuataila vakualondunge pokati kokulunguka kuavo.

VA HEVERU 11:7

Noha, omo a kala lekolelo, oco eci a lunguiwila ovina ka via molehele handi, wa kuata ohele, yu wa angiliya ocimbaluku oku popela onjo yaye; oco wa pisa oluali kuenje wa linga kapiñala kesunga lina liya lekolelo.

VA HEVERU 8:5

Va fendaila ociñumañuma loku vumba undembo wocituimalo ci kola co kilu. Momo, eci Mose a soka oku tunga ombalaka, Suku wo longisa hati, Lunguka okuti o tunga ovina viosi ndoseteko va ku lekisa komunda.