MATEO 19:9 - Embimbiliya - Bíblia Sagrada em Umbundu

⁹ Kuenje mopia lene siti, Wosi o nyala ukãi waye, nda halondaka yoku pekelisako, kuenje o kuela ukãi ukuavo, o linga ukahonga. Lu o kuela ukãi wa nyaliwa layevo o linga ukahonga.

MATEO 19:9 Iomraidhean Croise

EFETIKILO 20:3

Oco uteke Suku weya ku Avimeleke konjoi, wa popia laye hati, Ota, ove o laika oku fa omo wa tambula ukãi ulo momo o kuẽliwe lulume.

II ASAPULO 21:11

Kuenda vali Yehorama wa tunga ovotala kolonumbuko violomunda via Yuda, kuenje wa kokela olonungi via Yerusalãi oku linga ukahonga, yu wa pambuisa Yuda.

YEREMIYA 3:1

Ndi va pula siti, Umue nda o nyãla ukãi waye kuenje eye ukãi wo sia ha lingi ukãi wulume ukuavo, ulume o tiukila vali kokuaye? Oco hẽ ofeka yaco ka yi liñisua enene? Ove wa linga ukahonga lolombaisi via lua, haimo o tiukila kokuange? Oco ca pula Yehova.

YEREMIYA 3:8

Ndaño wa mõla okuti Isareli ukualukonyo ndo nyalela ukahonga, loku wĩha emẽla liupu, haimo manjaco, Yuda ohembi, ka kuatele ohele puãi wa enda, wa lingavo ukahonga.

ESEKIELE 16:15

Puãi wa kolela unumbu wove. Wa linga ukahonga mekonda lioluhimo luove. Wosi o pita wa linga laye ukahonga.

ESEKIELE 16:29

Haico wa luisa vali ukahonga wove lofeka ya vakuakufũla okuti Kaldea, haimo lopo kua tẽlẽle.

ESEKIELE 16:8

Eci nda ku pita loku ku vanja, tala otembo yove ya kala otembo yoku soliwa. Nda ku nyanyumuĩla onanga yange hã si sikĩlĩla etimba liove. Oco nda lisila love loku lisinga love, kuenje wa linga wange, Oco ca popia Yehova Suku.

MATEO 19:10

Olondonge via popia laye viti, Nda ci kasi ndoco pokati kulume lukãi waye hise nda omanu ka va likuela.

MATEO 19:8

Eye wa kumbulula hati, Omo ovitima viene via tĩla oco Mose a tavela okuti vu nyala akãi vene, puãi, tunde kefetikilo ka ca kaile ndoco.

MATEO 5:32

Ame puãi mopia lene siti, Wosi o nyala ukãi waye, nda handaka yoku pekelisako, u lingisa okahonga, kuenje u o kuela ukãi wa nyaliwa, o lingavo ukahonga.

LUKA 16:18

U o nyala ukãi waye kuenje o kuela ukuavo o linga ukahonga, lu o kuela ukãi wa nyaliwa la veyaye, layevo o linga ukahonga.

I VA KORINDO 5:1

Ocili, ca yevala okuti pokati kene pali ukahonga, lukahonga waco, ndaño pokati ka vakualofeka, ka upo, okuti kuli umue o kasi lukãi wa isiaye.

I VA KORINDO 7:39

Ukãi wa pandekiwa osimbu veyaye a kasi lomuenyo. Nda puãi veyaye wa fa ukãi o panduluiwa okuti ci tava oku kueliwa lu a yongola, puãi te oku kueliwa vu Ñala.

I VA KORINDO 7:4

Ukãi ka kuete ocipango coketimba liaye, te veyaye. Haico ulume, ka kuete ocipango coketimba liaye, te ukãi waye.