MATEO 19:8 - Embimbiliya - Bíblia Sagrada em Umbundu

⁸ Eye wa kumbulula hati, Omo ovitima viene via tĩla oco Mose a tavela okuti vu nyala akãi vene, puãi, tunde kefetikilo ka ca kaile ndoco.

MATEO 19:8 Iomraidhean Croise

EFETIKILO 2:24

Oco ulume o sia isiaye la inaye hã ha litokeka lukãi waye, kuenje va linga etimba limuamue.

EFETIKILO 7:7

Oco Noha wa iñila vocimbaluku kumue lomãla vaye valume, lukãi waye, lakãi vomãla vaye, ha va puluka ketande.

OLOSAMO 95:8

Ko ka tĩlisi ovitima viene ndoko Meriva, pamue ndeteke lina ko Masa vekalasoko,

YEREMIYA 6:16

Ca popia Yehova ceci, hati, Talami panyaha, vanji, kuenda puliliyi olonjila viale. Puli hoti, Onjila yiwa yi pi? Oco wendi layo kuenje vu sanga epuyuko liovitima viene. Puãi ovo vati, Ka tu endi layo.

SAKARIYA 7:12

Oco muẽle, va tilĩsa ovitima viavo ndewe okuti ka va yevi ocihandeleko ndaño olondaka via Yehova Ukualohoka vina a tuma le Espiritu liaye lovimẽla viovaprofeto vatete. Oco kueyilila onyeño yalua ya Yehova.

MATEO 19:7

Vo pula vali vati, Nda oco, nye Mose a handelekela okuti nda kuli oku tundisa ukãi, tete o wiha ukanda woku nyala?

MATEO 19:9

Kuenje mopia lene siti, Wosi o nyala ukãi waye, nda halondaka yoku pekelisako, kuenje o kuela ukãi ukuavo, o linga ukahonga. Lu o kuela ukãi wa nyaliwa layevo o linga ukahonga.

MATEO 3:15

Yesu wo kumbulula hati, Handi ci kale ndomo ci kasi, momo ca tu sesamela oku tẽlisa esunga liosi. Oco wo tava.

MATEO 8:31

Ovilũlu viaco vio peya viti, Nda o tu upamo tu tume vocunda colongulu.

MARKO 10:5

Puãi Yesu wa popia lavo hati, Omo ovitima viene via tĩla, oco Mose o soneheleli ocihandeleko eci.

MARKO 16:14

Oco kovaso yaco wa tukuluka kekui liaco la mosi eci va tumala kokulia. Kuenje wa va patisa, momo ka va kaile lekolelo, lovitima viavo via siva. Momo ka va kolelele ava vo mola eci a pinduka.

I VA KORINDO 7:6

Eci ndi ci popia ño, haku handelekako.

I SAMUELE 25:43

Daviti wa tumbulavo Ahinoama u Yesirele. Kavali kavo va linga akãi vaye. Saulu wa eca ale omõlaye Mikale, ukãi wa Daviti, ku Paliti, omõla a Laisi u Galimi.