MATEO 18:3 - Embimbiliya - Bíblia Sagrada em Umbundu

³ Wa popia hati, Ocili mopia lene siti, Lalimue eteke wiñili vusoma wokilu te nda vu pongoloka ho lingi ndotumãla.

MATEO 18:3 Iomraidhean Croise

OLOSAMO 131:2

Puãi nda liuhisa loku tula utima ndeci omõla a tula utima eci a kasi kavele a inaye. Utima wange wa lisoka lomõla wa susumisua.

ISAYA 6:10

Lemisa utima womanu ava, lemisa ovatui avo, patisa ovaso avo, sanga va leta lovaso avo kuenje va yeva lovatui avo ha va limbuka lovitima viavo yu va pongoloka, kuenje va sakuiwa.

MATEO 13:15

Momo utima womanu ava wa siva. Va yeva naito lovatui avo, va pata ovaso avo, kuenje va yeva lovatui avo, sanga va limbuka lovitima viavo, ha va tiuka kuenje ndi va sakula.

MATEO 18:2

Yu wa kovonga okamõla, wa ka talamisa pokati kavo.

MATEO 18:4

U o liketisa ha lingi ndokamõla aka eye wa velapo vusoma wokilu.

MATEO 19:14

Puãi Yesu hati, Omãla va kale, ko ka va tutuiyi oku iya kokuange, momo Usoma wokilu wava va lisoka lavo.

MATEO 19:23

Kuenje Yesu wa popia lolondonge viaye hati, Mopia lene siti, Ocili ohuasi oku iñila vusoma wokilu, ci tĩla.

MATEO 5:18

Ocili, mopia lene siti, Toke ilu longongo vi takata okatosi pamue okotayo kovihandeleko ka ka takata te ovina viosi vi lingiwa.

MATEO 5:20

Momo mopia lene siti, Nda esunga liene ka li velipo esunga lia vakuavisonehua leli lia va Fariseo lalimue eteke wiñili vusoma wa Suku.

MATEO 6:16

Eci vu likandangiya okulia ko ka nyumali nda vakuambambe. Momo ovo va vĩhisa ovipala viavo okuti okulikandangiya kuavo okulia ku muiwa lomanu. Mopia lene siti, Ocili va sanga ale onima yavo.

MATEO 6:2

Oco, eci weca oviali kolosuke, ku ka sikile enguena kovaso ove ndeci vakuambambe va lingainga volosunangonga lo valuwa oku sanda oku sivayiwa lomanu. Ocili mopia lene siti, Va sanga ale onima yavo.

MATEO 6:5

Eci vu likutilila, ko ka lingi ndeci vakuambambe va lingainga, momo va sole oku talama volosunangonga lo panyaha aluwa oku sanda oku muiwa lomanu. Mopia lene siti, Ocili va sanga ale onima yavo.

MARKO 4:12

oku vanja va vanja, puãi ka va lete, oku yevelela va yevelela kuenje ka va yevite, sanga mbi va pongoloka kuenje ci va ecelua.

LUKA 13:24

Oku iñila, lileki oku pita puvelo wa sukatela, momo ndu sapuili siti, Va lua va sanda oku iñila kuenje ka va ci tẽla.

LUKA 22:32

ame puãi nda ku likutilila okuti ekolelo liove ka li tokoka. Kuenda vali, ove, eci o tiuka vali kokuange, kolisa vakuẽle.

YOANO 1:51

Kuenje Yesu wa popia laye hati, Mopia love, siti, Ocili, ocili, o mola ilu lia yuluka, kuenda ovangelo vamue va Suku va londa ku Mõlomanu, vakuavo va lokila kokuaye.

YOANO 3:3

Yesu wo kumbulula hati, Mopia love siti, Ocili, ocili, omunu ka tẽla oku mola usoma wa Suku, te wa citiwa evali.

YOANO 3:5

Yesu wa kumbulula hati, Mopia love siti, Ocili, ocili, omunu ka tẽla oku iñila vusoma wa Suku, te o citiwa lovava kuenda Espiritu.

OVILINGA 14:22

Va kolisa ovitima violoñame. Va va vetiya vati, Lamelẽli ketavo, momo ka tu iñila vusoma wa Suku te lohali ya lua.

OVILINGA 28:27

Momo ovitima viomanu ava via seluka. Atui avo a yeva lenyoño. Va patisa ovaso avo sanga va mola lovaso kuenda va yeva lovatui kuenda va limbuka lovitima viavo, ha va pongoloka si va sakula.

OVILINGA 3:19

Oco, likekembeli akandu ene. Pongoloki okuti akandu ene a ecelua, kuenda okuti kuiya oloneke viekavuluko vi tunda ku Suku.

I VA KORINDO 14:20

A vamanji, kolondunge ko ka lingi ndomãla. Kevĩho lingi ndoloñaña, puãi kolondunge, lingi ndakulu vendamba.

I PETULU 2:2

Liveli ndoloñaña asenjele ovitima ana ka a kuete elimbi. A liveli okuti vu kulila kepopelo,

II PETULU 1:11

Oco noke, ku vu sokiyiwila uvelo unene wokuti wiñili vusoma ka u pui wa Ñala yetu Yesu Kristu haeye Upopeli wetu.