MATEO 17:5 - Embimbiliya - Bíblia Sagrada em Umbundu

⁵ Osimbu a kala loku popia elende lia nina lia va sikilila; kuenje tala, velende mua tunda ondaka yiti, U, Omõlange wa soliwa, haeye nda sanjukila. U yeveleli.

MATEO 17:5 Iomraidhean Croise

YOVI 38:1

Kuenje Yehova wa kumbuluila Yovi vocipepe, hati,

OLOSAMO 81:7

Eci wa tala ohali wa vilikiya kuenje nda ku popela. Nda ku tambuluila komangu ya wunda yocilemĩlo. Nda ku nyika kovava a Meriva.

ETUNDILO 19:19

Eci ondaka yolumbeta yamako oku yevala oco Mose a popia kuenje Suku wo kumbulula vocilemĩlo.

ISAYA 42:1

Tala ukuenje wange u ndu vetatela, onoliwe yange, utima wange wo sanjukila. Ndo wĩha Espiritu liange, eye o longisa olofeka esunga.

ISAYA 42:21

Ca sanjuisa Yehova oku situlula ondaka yaye loku yi kemãlĩsila esunga liaye.

MATEO 12:18

Tala ukuenje wange nda nola. Utima wange wo sanjukila, ndu sole. Ndu wiha Espiritu liange. Eye o sapuila vakualofeka okuti kuli ekanga liesunga.

MATEO 17:6

Eci olondonge via ci yeva via kala lusumba wa lua, via wila posi kuenje via lituvikapo.

MATEO 3:17

Kuenje ondaka ya tunda vilu, ya linga yiti, U, Eye Omõlange wa soliwa, ndo sanjukila.

MARKO 1:11

Kuenje ondaka ya tunda kilu yiti, Ove vumõlange wa soliwa. Nda ku sanjukila.

MARKO 9:7

Kuenje elende lia va sikilila, valende mua tunda ondaka yiti, U, Omõlange wa soliwa u yevi.

LUKA 3:22

Kuenje Espiritu Sandu lio wila letimba ndopomba, kuenda ondaka ya tunda kilu, yiti, Ove Vumõlange wa soliwa, nda ku sanjukila.

YOANO 3:16

Omo Suku a sola ndoco oluali, oco a ecela Omõlaye wongunga okuti wosi u kolela ka fi, puai o mola omuenyo ko pui.

YOANO 3:35

Isia o sole Mõla kuenje wa eca ovina viosi peka liaye.

YOANO 5:37

Kuenje Isia wa numa eye wa njimbila uvangi. Ka wa la yevi ondaka yaye, ndaño eye muẽle ka wa lo moli.

OVILINGA 1:9

Eci a popia ovina evi, osimbu va kala loku vanja, oco wa yeluiwa, kuenje elende lio tikuila kovaso avo.

OVILINGA 7:37

Mose u, eye una wa popia la va Isareli, hati, Suku o katuila pokati kene uprofeto ndame.

VA EFESO 1:6

Wa ci lingila okuti tu sivaya ulamba wocali caye ca lua, cina a tu ihila v'Omõlaye wa soliwa.

ESINUMUĨLO 18:15

Pokati kene, okuti pokati kavamanjene, Yehova, Suku yene, o katulapo uprofeto ndame, eye vu yevelela,

ESINUMUĨLO 18:19

Kuenje wosi ka yevi olondaka viange, evi uprofeto a popia vonduko yange, ame muẽle ndu pula eci ka vi yevela.

ESINUMUĨLO 5:22

Olondaka evi Yehova wa vi popia lene vosi eci a kala komunda. Ondaka yaye ya kala yinene kuenje ya tunda vondalu lovelende kuenda vowelema. Ka vokinyileko cimue. Eye wa vi sonẽha kovawe avali kuenje wa vi nyĩha.

VA KOLOSAI 1:13

Wa tu popela kuviali wowelema. Wa tu sondoluila kuviali w'Omõlaye wa soliwa.

VA HEVERU 5:9

Eci a kanguisua wa linga ono yeyovo ka li pui lia vosi vo pokola.

ESITULUILO 1:7

Ota, iya. Endela valende, kuenje ovaso osi o mola, ndaño ava vo toma, lapata osi o kilu lieve o litetelela. Omo muẽle. Amene.

ESITULUILO 14:14

Oco nda vanja kuenje nda mola elende li yela. Kelende kua tumala umue wa setahala omõla omunu. Kutue waye kua kala ekolowa liulu, lo peka omila ya tua.