MATEO 17:3 - Embimbiliya - Bíblia Sagrada em Umbundu

³ Kuenje tala, kua va tukulukila Mose la Eliya va vangula laye.

MATEO 17:3 Iomraidhean Croise

I OLOSOMA 17:1

Eliya, u Tisibi, umue polonungi via Gileada, wa popia la Ahava hati, La Yehova Suku ya Isareli o kasi lomuenyo, haeye ndukuakuvumba, anyamo alo ka ku kala olume ndaño ombela, te nda londaka yange.

MALAKIYA 4:5

Tala! osimbu eteke liaco linene lia Yehova, hailio li linga usumba, ka lieyile, ndu tumisi uprofeto Eliya.

MATEO 17:2

Yu wa pongoluilua kovaso avo. Ocipala caye ca nina ndekumbi, luwalo waye wa tua ndocinyi.

MATEO 17:4

Petulu wa popia la Yesu, hati, A Ñala, ndomo tu kasi kulo tu kasi ciwa. Nda o tava, nunga kulo olosinge vitatu, yimue yove, yimue ya Mose, yimue ye Eliya.

MARKO 9:4

Kuenje kua va tukulukila Eliya la Mose, yu va kala loku vangula la Yesu.

LUKA 1:17

U pitila kovaso lespiritu lunene we Eliya, oku pongoluisila ovitima via vaisia komãla vavo, levi via vakuakusina kolondunge via vakuesunga, oku angiliyila Ñala omanu vo sungulukila.

LUKA 16:16

Ovihandeleko lovaprofeto va kala toke ku Yoano. Tunde apa, ondaka yiwa yusoma wa Suku ya kundiwa, kuenje vosi va lisindiliyilamo.

LUKA 24:27

Eye wa va lomboluila ovisonehua viosi via tiamela kokuaye, loku fetika levi via Mose kuenda evi viovaprofeto vosi.

LUKA 24:44

Yu wa popia lavo hati, Evi ovio olondaka viange nda popele lene, cina nda kala kumue lene, okuti ovina viosi via sonehelua ame vovihandeleko via Mose lovaprofeto lolosamo vi lingiwa.

LUKA 9:33

Eci alume vaco va kala loku liusika laye, oco Petulu wa popia la Yesu, hati, A Ñala, ciwa omo tu kasi kulo. Tu tungi olosinge vitatu, yimue yove, yimue ya Mose, yimue ye Eliya, puãi ka kũlĩhile eci a popia.

YOANO 1:17

Momo ovihandeleko via eciwa la Mose, puãi ocali locili vieya la Yesu Kristu.

ESINUMUĨLO 18:18

Pokati kavo muẽle ñatulapo uprofeto ndove. Ñapa olondaka viange vomẽla waye, leye o va lomboluila cosi ndu sapuila.

ESINUMUĨLO 34:10

Tunde kotembo yaco, vo Isareli ka mua la mõlẽha vali uprofeto wa soka la Mose, okuti umue Yehova a vangula laye omẽla lomẽla.