MATEO 16:21 - Embimbiliya - Bíblia Sagrada em Umbundu

²¹ Tunde opo Yesu wa fetika oku sapuila olondonge viaye okuti co sesamela oku enda ko Yerusalãi kuenda oku fũkĩlisilua ovina via lua lakulu lovitunda vinene la vakuavisonehua. Wa vi sapuilavo okuti o pondiwa kuenje o pinduiwa eteke liatatu.

MATEO 16:21 Iomraidhean Croise

NEHEMIYA 12:7

Salu, Amoki, Hilikiya, la Yedaya. Ovo ovitue viovitunda loloñuatisi viavio kotembo ya Yesiua.

MATEO 12:40

Momo ndeci Yona a kaile vimo liocimuandu ovotanya atatu lovoteke atatu haico Mõlomanu o kala vutima wongongo ovotanya atatu lovoteke atatu.

MATEO 16:22

Kuenje Petulu wo kovongela pokanele, yu wa fetika oku u lemela hati, A Ñala! Suku ka ka ci tave! Eci ka ci keya kokuove.

MATEO 16:28

Mopia lene siti, Ocili, vamue va tãi kulo ka va mahi okufa toke va mola Mõlomanu iya vusoma waye.

MATEO 17:12

puãi ame mopia lene siti, Eliya weyile ale, puãi ka vo limbukile kuenje va linga laye cosi va panga. Haico Mõlomanu layevo o talisua lavo ohali.

MATEO 17:9

Eci va kala loku loka komunda Yesu wa va lemela hati, Eci wa moli ko ka ci sapuili omunu, te eci Mõlomanu a pinduiwa ku vakualufa,

MATEO 20:28

ndeci Mõlomanu keyilile oku vumbiwa, te oku vumba, loku eca omuenyo waye ndocimuenyo coku yovola va lua.

MATEO 26:2

Vu ci okuti kovaso yoloneke vivali kuli o Pascoa kuenje Mõlomanu o pakuiwa ha valeliwa kekulusu.

MATEO 26:47

Osimbu a kala loku popia, Yuda, umue pekui la vavali, weya. Weya lowiñi wa lua wava va tumiwa lovitunda vinene lakulu vofeka. Vambata olosipata lolombueti.

MATEO 27:12

Puãi, eci a pindikiwa lovitunda vinene lakulu, lacimue a kumbulula.

MATEO 27:63

kuenje vati, A Kuku, tua ivaluka okuti ondimbiki eyi, eci a kala lomuenyo, wa lingile hati, Kovaso yoloneke vitatu minduka.

MATEO 28:6

Mulo kemo, momo wa pinduka ndeci a popele. Enjui, ndo tali apa Ñala a pekelele.

MARKO 8:31

Kuenje eye wa fetika oku longisa okuti Mõlomanu o talisua ohali ya lua, kuenje o takumuiwa lakulu lovitunda vinene la vakuavisonehua. Noke ipaiwa kuenje kovaso yoloneke vitatu o pinduka.

MARKO 9:12

Kuenje eye wa popia lavo hati, Ocili Eliya eye iya tete oku tumbulula ovina viosi, puãi ovisonehua vi lombolola ndati Mõlomanu? Vi lombolola okuti o talisiwa ohali ya lua, kuenje o tombiwa.

LUKA 17:25

Tete puãi o tala ohali ya lua, kuenje ocitumbulukila cilo cu takumula.

LUKA 24:46

Yu wa popia lavo hati, Ca sonehiwa ndoco citi, Kristu o tala ohali kuenda eteke liatatu o pinduka ku vakuavilangu,

LUKA 9:31

Va molehela vulamba, kuenje va vangula okufa kuaye, ndeci a laika oku fila ko Yerusalãi.