MATEO 15:4 - Embimbiliya - Bíblia Sagrada em Umbundu

⁴ Momo Suku hati, Sumba so la nyoho; kuenda vali hati, U o tuka isiaye pamue inaye oku fa a fe.

MATEO 15:4 Iomraidhean Croise

ETUNDILO 20:12

Sumba so la nyõho oco oloneke viove vi lue vofeka yina yi ku iha Yehova Suku yove.

ETUNDILO 21:17

U o tuka isiaye pamue inaye ipaiwa muẽle.

OLOSAPO 20:20

Nda umue o tuka isiaye pamue inaye, ovela yaye yima pokati kowelema wa lua.

OLOSAPO 23:22

Pokola ku so wa ku cita; ku ka lavise nyoho eci a kuka.

OLOSAPO 30:17

Iso liu o fuanguila isiaye, pamue o lavisa inaye li tofuiwa lovikuamanga viovocimbota kuenje li liwa lolohokohoko.

ISAYA 8:20

Kolela ovilongua kuenda uvangi! Ongula ka yi cila ondaka eyi va popia.

OVISILA 19:3

Vosi omunu omunu a sumbile inaye la isiaye, kuenda vu kolisa asambata ange. Ame ndi Yehova Suku yene.

OVISILA 20:9

Omo wosi o siñala isiaye pamue inaye eye ipaiwa muẽle; u wa siñala isiaye pamue inaye oco osonde yaye yu vata.

MATEO 15:3

Eye wa va kumbulula, hati, Lame ndu pulivo. Nye vu sinila ocihandeleko ca Suku oku tẽlisa ovihõlo viene?

MATEO 15:5

Puãi ene vu linga hoti, Nda umue o popia la isiaye pamue inaye hati, Cange nda sokele oku ku kutisa laco cilo nda ci lumba ku Suku,— oco ka kuete vali ocikele coku sumbila isiaye la inaye.

MATEO 19:19

Sumba so la nyoho. Sola u o lisungue love ndeci o lisole ove muẽle.

MATEO 4:10

Oco Yesu wa popia lalio hati, A Satana, tundapo, momo ca sonehiwa citi, Fendela Yehova Suku yove, eye lika o vumba.

VA ROMA 3:31

Oco hẽ, omo tua tõlisa ndomo ekolelo, ca lomboloka okuti tua imula ovihandeleko? Hacoko. Tua tõlisa muẽle ovihandeleko.

VA EFESO 6:1

Ene amãla, pokoli kolonjali viene vu Kristu, omo oco ca sunguluka.

ESINUMUĨLO 27:16

Wosi a pembula isiaye pamue inaye a siñaliwe. Lomanu vosi va kumbulula vati, Ci lingiwe.

ESINUMUĨLO 5:16

Sumba so la nyõho, ndeci Yehova Suku yove a ku sapuila; oco oloneke viove vi lua, love o kala ciwa vofeka yi ku ĩha Yehova Suku yove.