MATEO 13:44 - Embimbiliya - Bíblia Sagrada em Umbundu

⁴⁴ Usoma wokilu wa soka ndukuasi wa solekiwa vepia. Umue wo walula kuenje wo lembika vali. Noke, omo a sanjuka, oco wa ka landisile cosi a kaile laco kuenje wa landa epia liaco.

MATEO 13:44 Iomraidhean Croise

YOVI 28:13

Lomue o kũliha onjila yendako. Ka vi sangiwa vofeka ya vakuamuenyo.

OLOSAPO 16:16

Ca velapo cimue oku kuata olondunge, ulu u sule; ocili, oku nola uloño ca posoka cimue, opalata yi sule.

OLOSAPO 17:16

Peka liaveke pa kalela nye olombongo vioku landa olondunge, lutima ka kuete pua?

OLOSAPO 18:1

U wa liamuha lavakuavo o lisandaila ovina viaye muẽle, ha funguila cosi ca sunguluka.

OLOSAPO 23:23

Landa esunga, ku ka li landise vali; landa olondunge lalungulo luloño.

ISAYA 55:1

Ene vosi vu kasi lenyona, enjui kovava. Wosi ka kuete olombongo eye, a lande, a lie. Enjui muẽle, ndo landi ovinyu lasenjele, puãi halolombongoko, halondandoko.

MATEO 13:24

Wa va tela olusapo lukuavo hati, Usoma wokilu wa soka ndomunu wa imba ombuto yiwa vepia liaye.

MATEO 13:46

Kuenje eci a sanga omota yondongo ya tĩla ca lua, wa ka landisile cosi a kaile laco kuenje wa yi landa.

MATEO 13:47

Kuenda vali, usoma wokilu wa soka ndowanda wa imbiwa vokalunga kuenje wa kongela olosi viapata osi.

MATEO 19:21

Yesu wo kumbulula hati, Nda o yongola oku lipua ocili, kuende, ka landise cosi o kasi laco, ci avela olosuke kuenje o kala lukuasi kilu, oco wiye o ñuame.

MATEO 19:27

Oco Petulu wa kumbulula, hati, Tala, tua sia ovina viosi ha tu ku kuama, oco hẽ, tu mola nye?

MATEO 19:29

Vosi va sia olonjo, pamue vamanjavo, pamue vamukãi wavo, pamue vaisiavo, pamue vainavo, pamue omãla, pamue ovapia, mekonda lionduko yange, va mola eci ca velapo kuenje va piñala omuenyo ko pui.

MATEO 6:21

Momo oku ku kasi ukuasi wove haiko ku kala utima wove.

LUKA 14:33

Haico lene, wosi ka si ovikuata viaye viosi ka tẽla oku linga ondonge yange.

YOANO 6:35

Yesu wa popia lavo hati, Ame ndimbolo yomuenyo. U iya kokuange ka kuata onjala, lu o ñolela ka yevi vali enyona.

VA ROMA 15:4

Momo cosi ca sonehiwa kosiahũlu ca sonehiwila oku tu longisa okuti, epandi kuenda okukolisiwa lovisonehua ku tu kokela elavoko.

VA KOLOSAI 2:3

Vu Kristu mua solekiwila ovokuasi osi olondunge luloño.

VA KOLOSAI 3:16

Ovilongua via Kristu vi kale vovitima viene ndukuasi. Lilongisi pokati loku lilungula lolondunge viocili. Imbaimbi olosamo lovisungo lasivayo Espiritu. Ovitima vi yuke yuke olopandu ku Suku.

VA HEVERU 10:34

Momo wa lingi olomandekua ohenda, kuenje wa sanjuki ndaño ovikuata viene via pundiwa, momo wa kũlĩhi okuti vu kuete ovikuata via velapo, haivio ka vi pui.

ESITULUILO 3:18

Oco hu lungula okuti o landa kokuange ulu wa yenguluiwa londalu hu lingi ohuasi, loku landavo olonanga vi yela hu wala ndokuti osõi yepõlõla liove ka yi moleha, loku landa onguendu hu sieketa layo vovaso hu vanji.