MATEO 13:15 - Embimbiliya - Bíblia Sagrada em Umbundu

¹⁵ Momo utima womanu ava wa siva. Va yeva naito lovatui avo, va pata ovaso avo, kuenje va yeva lovatui avo, sanga va limbuka lovitima viavo, ha va tiuka kuenje ndi va sakula.

MATEO 13:15 Iomraidhean Croise

OLOSAMO 119:70

Ovitima viavo via neta ndulela, ame puãi, sanjukila ovihandeleko viove.

OLOSAPO 16:30

U o pata ovaso aye o sokiya ovina vĩvi. U o muniha komẽla waye o lemulula evĩno.

ISAYA 44:20

O lialia etiko; umbinde wutima waye wo yapuisa, kuenje ka tẽla oku popela omuenyo waye ndaño oku popia hati, Peka liange liondio hẽ sia kuatele cimue cuhembi?

ISAYA 57:18

Nda mõla ovituwa viaye, puãi ndu sakula. Ndu songuila, ndu wĩha onima yelembeleko, sovuila ava vo lila epako liomẽla.

ISAYA 6:10

Lemisa utima womanu ava, lemisa ovatui avo, patisa ovaso avo, sanga va leta lovaso avo kuenje va yeva lovatui avo ha va limbuka lovitima viavo yu va pongoloka, kuenje va sakuiwa.

YEREMIYA 17:14

A Yehova, sakule kuenje ñaya; mopele kuenje njovoka; momo ove usivayo liange.

YEREMIYA 17:9

Utima wa piãla kelimbi haiwo wa hongua enene. Helie o tẽla oku u kũlihisa?

YEREMIYA 3:22

Amãla volukonyo, tiuki. Ame ndu sakuli olukonyo luene. Tala, tueya kokuove omo ove vu Yehova, ove Suku yetu.

YEREMIYA 33:6

Ndi li nenẽla uhayele loku ñuaima. Ndi va sakula, kuenje ndi va muĩsa okusalala kua lua kuenda okukoka.

HOSEA 14:4

Ndi va sakula oku konyõha kuavo. Ndi va sola lutima wange wosi, momo nda liweka oku va temẽla.

SAKARIYA 7:11

Ovo puãi ka va tavele oku yeva. Va imba onyima. Va sitika ovatũi avo okuti ka va yevi.

MALAKIYA 4:2

Ene puãi wu sumbi onduko yange, Ekumbi liesunga liu tundili, lovolosongo vialio mu kala unene woku sakula. Lene wendi loku tomboaka ndolonãle via kunduluiwa vocunda.

MARKO 4:12

oku vanja va vanja, puãi ka va lete, oku yevelela va yevelela kuenje ka va yevite, sanga mbi va pongoloka kuenje ci va ecelua.

LUKA 19:42

Wa popia hati, Ndi livela okuti ndaño etaili nda wa kũlĩha ovina vi ku kokela ombembua. Cilo puãi, via sitikiwa kovaso ove.

OVILINGA 28:27

Momo ovitima viomanu ava via seluka. Atui avo a yeva lenyoño. Va patisa ovaso avo sanga va mola lovaso kuenda va yeva lovatui kuenda va limbuka lovitima viavo, ha va pongoloka si va sakula.

OVILINGA 3:19

Oco, likekembeli akandu ene. Pongoloki okuti akandu ene a ecelua, kuenda okuti kuiya oloneke viekavuluko vi tunda ku Suku.

OVILINGA 7:57

Ovo puãi, va vilikiya lolukandi, va sitika ovatui avo, kuenje va vulumũhĩla vosi kumuamue.

II TIMOTEO 4:4

kuenje vopa ovatui koku yevelela ovina viocili ha va yapukila kolosapo viaño.

VA HEVERU 5:11

Kondaka eyi tu kuete ca lua coku popia, puãi ca tĩla oku ci lombolola, momo ene wa lingi ovisitatui.

ESITULUILO 22:2

vokati kokololo yimbo. Kuenje sinya lilo liolui la sinya olio kuli uti womuenyo una wimaima apako ekui la avali aiñi aiñi, kuenje wa ecaeca epako liawo osãi kosãi. Amela uti waco a sakola olofeka.