MATEO 13:11 - Embimbiliya - Bíblia Sagrada em Umbundu

¹¹ Yu wa va kumbulula hati, Momo ene wa ihiwi oku kũlĩha alumbu usoma wo kilu, puãi ovo ka ca va ihiwile.

MATEO 13:11 Iomraidhean Croise

OLOSAMO 25:14

Ukamba wa Yehova u kasi lava vo sumba. Ohuminyo yaye o va yi longaisa.

ISAYA 29:10

Momo Yehova wo sukumuĩli espiritu liotulo, wo patisi ovaso, ene wuvaprofeto; kuenje wa sikĩlĩla ovitue viene, ene wakuavitumasuku.

ISAYA 29:11

Esituluilo eli liosi lio lingili ndelivulu lia yikiwa. Eci omanu va li eca ku wa kũlĩha oku tanga vati, Va li tange, eye o linga hati, Si ci tẽla momo lia yikiwa.

ISAYA 35:8

Kuenje pa kala elila, lelila liaco li tukuiwa liti, Elila li kola. Vakuevĩho ka va endelamo. Vakuesanda ka va lueyisa u endelamo.

MATEO 13:10

Oco olondonge viaye vieya kokuaye kuenje vio pula viti, Nye o popela lavo lolosapo?

MATEO 16:17

Kuenje Yesu wo kumbulula hati, A Simono, amõla a Yona, wa sumũlũha, momo hamunuko wa ku ci situluila, te Tate o kasi kilu.

MATEO 19:11

Puãi Yesu wa va kumbulula hati, Havosiko va tẽla oku tẽlisa ondaka eyi, te ava va ihiwa utima waco.

MATEO 20:23

Eye wa popia lavo hati, Okopo yange vu yi nyua muẽle, puãi oku tumala kondio yange lo kepĩli liange hacangeko oku ceca, puãi, cava ca va angiliyiwila la Tate.

MARKO 10:40

puãi oku tumala kondio yange pamue kepĩli liange hacangeko oku ci eca. Olomangu viaco vi tiama kuava via vangiliyiwila.

MARKO 4:11

Eye wa popia lavo hati, Ene wa kundikiwi elumbu liusoma wa Suku, puãi ava ka va kundikiwile elumbu liaco ovina viosi vi va lomboluiwa lolosapo okuti,

LUKA 8:10

Oco eye wa popia hati, Ene wa kundikiwi oku kũlĩha alumbu usoma wa Suku, puãi ku vakuavo alumbu aco a lomboluiwa lolosapo okuti oku vanja va vanja, puãi ka va moli, loku yeva va yeva, puãi ka va yevite.

YOANO 6:65

Kuenje eye wa linga hati, Oco nda popela lene siti, Lomue o tẽla oku iya kokuange te nda co wihiwa la Isia.

YOANO 7:17

Nda umue wa panga oku linga ocipango caye, eye o kũlĩha okulonga kuaco, nda hẽ kua Suku, ele nda ci popia ño ame muẽle.

OVILINGA 16:14

Pokati kava va tu yeva pa kala ukãi umue u Tuatero, onduko yaye Ludia. Eye ondandisi yolonanga viohusu, haeye ukuakufendela Suku. Utima waye Ñala wo situluila oku yeva olondaka via popia Paulu.

VA ROMA 11:25

A vamanji, kuli elumbu limue kuenje njongola okuti elumbu liaco liu lomboloki sanga vu lilungukila ene muẽle. Elumbu liaco lieli, va Isareli vamue va tĩlisa ovitima viavo, puãi okutĩla kuaco ku kala lika toke vakualofeka va popeliwa la Suku va suapo.

VA ROMA 16:25

Kaliye, ku o tẽla oku u kolisi ndondaka yiwa ñunda ñunda haiyo Yesu Kristu a nena, ndesituluilo lielumbu lia sitikiwile tunde ka ku ci,

I VA KORINDO 13:2

Ndaño ñuete owanji wuprofeto kuenda nda kũlĩha alumbu osi lukũlĩhiso wosi, ndaño ñuete ekolelo liosi okuti sondolola lalio olomunda, puãi si kuete ocisola, haimo ame sicimueko.

I VA KORINDO 15:51

Tali, ndu sapuili elumbu. Ka tu pekela vosi, puãi vosi tu pongoluiwa

I VA KORINDO 2:14

Ukuetimba ka tambula oviali viEspiritu lia Suku, momo kokuaye vi linga nduveke, kuenje eye ka tẽla oku vi limbuka momo vi limbukiwa lika lolondunge vi'Espiritu.

I VA KORINDO 2:7

Tu kunda kunda puãi olondunge via Suku, haivio elumbu lia sitikiwile. Puãi, tunde ka ku ci, Suku wa panga oku tu muisa ulamba lolondunge viaco.

I VA KORINDO 4:1

Ca sesamela okuti omanu va tu sokolola ndoloñuatisi via Kristu, haetu tuvakalei kalumbu a Suku.

I VA KORINDO 4:7

Momo helie o limbuka okuti vu kuete cimue vakuẽle ka va kuete? O kuete nye okuti kua ci tambuile ocali? Nda wa ci tambula ocali o lipandela nye, ndu kua ci tambuile ocali?

VA EFESO 1:18

eci ovaso utima a patuluka. Ndu likutililivo okuti vu kũlĩha elavoko eye a panga oku u sumũlũisi lalio eci o kovongi, lukuasi wulamba wocipiñalo caye volosandu.

VA EFESO 1:9

Wa tu lumbuluila elumbu liocipango caye ca sunguluka ndeci a panga ale.

VA EFESO 5:32

Elumbu eli linene, ame puãi ndi ci popela Kristu lekongelo liaye.

VA EFESO 6:19

Lame le, liñutililivo okuti nyihiwa oku popia lutõi woku sapula lawo elumbu liondaka yiwa.

VA KOLOSAI 2:2

Ndi livela nda ovitima viavo vi kolisua omo via pandekiwila pamosi locisola. Ndi livela nda ukuasi wosi wukũlĩhiso, una ka u tatãliwa, u linga wavo. Ndi livelavo nda ukũlĩhiso welumbu lia Suku u linga wavo. Elumbu liaco Kristu.

I TIMOTEO 3:16

Tua tava okuti, ocili muẽle, okulonga kuondaka yi kola yetavo li koka oku tuwa nda Suku, ku komohisa. Eye wa tukuluisua letimba. Wa tetuluiwa le Espiritu okuti ukuesunga. Wa muiwa lovangelo. Wa sapuiwa ku vakualofeka. Wa taviwa kilu lieve. Wa tambuiwa kilu kulamba.

I TIMOTEO 3:9

Elumbu liekolelo va li lave lutima u yela.

TIAGO 1:5

Nda umue pokati kene wa kamba olondunge a pinge ku Suku, u ecaeca komanu vosi ocali, halocikundoko, kuenje vi eciwa kokuaye.

I YOANO 2:20

Ene puãi wa wavekiwi lona o kola, kuenda vosi vu kuete ukũlĩhiso.

I YOANO 2:27

Puãi okuwavekua eye o waveki lakuo ku kala vokuene, kuenje ka vu sukila vali okuti umue o vu longisa. Momo okuwavekua eye o waveki lakuo ku vu longisa kovina viosi, haikuo kuocili, hakuhembiko. Kali vokuaye ndeci kua vu longisa.