MATEO 12:7 - Embimbiliya - Bíblia Sagrada em Umbundu

⁷ Puãi nda wa kũlĩhili ndeci ca lomboloka ondaka yiti, Njongola ohenda, ovilumba havioko, nda ka wa pisili ava va pua eko.

MATEO 12:7 Iomraidhean Croise

YOVI 32:3

Onyeño yaye ya wengukilavo akamba vatatu va Yovi omo ndaño ka va sangele ekumbululo haimo va pisa Yovi.

OLOSAMO 109:31

Momo o talama kondio yohukui, oku u popela kuava vo pisila okufa.

OLOSAMO 94:21

Va lipungikila omuenyo wukuesunga, lava va pua eko va va tukuila okufa.

OLOSAPO 17:15

U o yovuisa ondingaĩvi lu o pisa ondingesunga, kavali kavo Yehova o va nyale.

HOSEA 6:6

Momo njongola ocisola ka ci pongoloka, ovilumba havioko, kuenda ukũlĩhĩso wa Suku, ovilumba vioku yoka, havioko.

MATEO 22:29

Puãi Yesu wa va kumbulula hati, Wa lueyi omo ka wa kũlĩhili ovisonehua, ndaño unene wa Suku.

MATEO 9:13

Puãi kuendi ka lilongisi ndeci olondaka evi via lomboloka ndokuti, Njongola ohenda, ovilumba havioko, momo seyilile oku kovonga vakuesunga te vakuakandu.

MARKO 12:33

kuenda oku u sola lutima wosi, lolondunge viosi, loloholo viosi, loku sola u o lisungue love ndeci o lisole ove muẽle, oco ca velapo, ovilumba vioku pia elisi levi vioku yoka, viosi vi sule.

OVILINGA 13:27

Ava va tunga vo Yerusalãi lolombiali viavo, omo ka vo limbukile, lomo olondaka viovaprofeto, vina via tangiwa asambata osi, ka via va lombolokele, oco va vi tẽlisa eci vo pisa.

TIAGO 5:6

Wa pisi vakuesunga kuenje wa va ipãli, okuti ka va tẽla oku tamalala lene.

YEHOSUA 5:5

Omanu vosi va tundile kEgito, va sevelue evamba. Puãi omanu vosi va citilua vekalasoko vonjila yoku tunda kEgito, ka va seviwile.

I SAMUELE 15:22

Samuele yu wa kumbulula hati, Yehova nga o sanjukila ovilumba vioku yoka levi vioku pia elisi ndeci a sanjukila oku pokola kondaka ya Yehova? Tala, okupokola kua velapo, okulumba ku sule. Okuyevelela kua velapo, ulela wolomeme u sule.