MATEO 12:42 - Embimbiliya - Bíblia Sagrada em Umbundu

⁴² Nasoma yo ko Sul o pindukila kekanga kumue locitumbulukila cilo kuenje o ci pisa, momo eye wa tunda kasulilo oluali oku yeva olondunge via Salomone, kuenje tala, kulo ku kasi u wa velapo okuti Salomone o sule.

MATEO 12:42 Iomraidhean Croise

I OLOSOMA 10:24

Vakuilu lieve vosi va sanda ocipala ca Salomone ha va yevi uvanga waye una Suku a kapa vutima waye.

I OLOSOMA 3:12

oco tala, nda linga ndondaka yove. Tala, nda ku iha utima wa lunguka haiwo wa loñoloha, oco lomue o lisoka love, ci kale ava va ku tetekela, ci kale ava veya noke.

I OLOSOMA 3:28

Isareli yosi ya yeva ndomo Soma a teta ondaka eyi onimbu, kuenje va sumbila Soma, momo va limbuka okuti olondunge via Suku vioku tetulula via kala laye.

I OLOSOMA 3:9

Oco, eca kukuenje wove utima wolondunge vioku tetuluila omanu vove, oco nẽle oku tepisa pokati keci ciwa leci cĩvi, momo helie o tẽla oku tetuluila epata eli liove, hailio linene?

I OLOSOMA 4:29

Suku wa muisa Salomone olondunge lukulihiso wa piala lovokuasi utima, ndeseke liokopalaya.

I OLOSOMA 4:34

Kolofeka viosi kua tunda omanu veyilila oku yeva olondunge via Salomone, va tunda kolosoma viosi vio kilu lieve vina via yevele oluhimo luolondunge viaye.

I OLOSOMA 5:12

Yehova wa muisa Salomone olondunge ndeci o likuminya. Pokati ka Hirama la Salomone pa kala ombembua, yu va lisila ocisila pokati.

ISAYA 7:14

Oco Ñala eye muẽle u wĩha ondimbukiso. Ota, ufeko o mina, o cita omõla ulume kuenje u luka Emanuele.

MATEO 12:41

Va Ninevei va pindukila kekanga kumue locitumbulukila cilo kuenje va ci pisa, momo ovo va likekembela akandu avo kohundo ya Yona, kuenje tala, kulo ku kasi u wa velapo okuti Yona o sule.

MATEO 12:6

Mopia lene siti, Ulo wa velapo okuti onembele yi sule.

MATEO 17:5

Osimbu a kala loku popia elende lia nina lia va sikilila; kuenje tala, velende mua tunda ondaka yiti, U, Omõlange wa soliwa, haeye nda sanjukila. U yeveleli.

MATEO 3:17

Kuenje ondaka ya tunda vilu, ya linga yiti, U, Eye Omõlange wa soliwa, ndo sanjukila.

YOANO 1:14

Oco Ndaka wa linga omunu, kuenje wa tunga pokati ketu, yu we yuka ocali locili. Tua mola ulamba waye. Ulamba waco ulamba wa Mõla wongunga wa Isia.

YOANO 1:18

Lomue wa la mola Suku. Omõla a Suku wongunga, u o kasi vonete ya Isia, eye wo situlula.

ESINUMUĨLO 30:13

Ndaño kesinya liokalunga hakoko, okuti o linga huti, Helie o tu yokila okalunga, ha tu ci nenẽla, loku tu ci yevisa, okuti tu ci linga?