MATEO 12:2 - Embimbiliya - Bíblia Sagrada em Umbundu

² Puãi va Fariseo, eci va ci mola, va popia laye vati, Tala, olondonge viove vi kasi loku linga eci ka ci tava oku ci linga kesambata.

MATEO 12:2 Iomraidhean Croise

ETUNDILO 23:12

Oloneke epandu o linga upange wove. Eteke liepanduvali o puyuka oco ongombe yove locimbulu cove vi mõle epuyuko, kuenda omõla upika wove ukãi lukombe va kavuluke.

ETUNDILO 35:2

Upange u lingaiwa oloneke epandu. Puãi eteke liepanduvali li linga esambata liowusa wefendelo lia Yehova. Wosi o lingamo upange ipaiwa.

ISAYA 58:13

Nda o pokuisa omãi yove eteke liesambata, okuti ku lingi ovina viove veteke liange li kola, kuenje huti, Esambata nda li sanjukila cocili, hailio eteke li kola lia Yehova, hailio li sesamẽla oku sumbilua; nda o li sumbila okuti ku endela volonjila viove muẽle pamue oku linga ovina viove, loku vangula ovina viaño,

MATEO 12:10

Kuenje tala, mua kala omunu umue leka lia siõsia. Yu vo pula vati, Ci tava hẽ oku kayisa kesambata? Vo ci pulila oku u pisa.

MATEO 12:3

Eye wa kumbulula hati, Ka wa tangeli eci ca linga Daviti eci a kala lonjala, eye lava va kala laye,

MARKO 2:24

Oco va Fariseo vo pula vati, Tala, nye va lingila eci ka ci tava oku linga kesambata?

LUKA 14:3

Yesu wa pula alongisi vovihandeleko la va Fariseo, hati, Ci tava oku sakula kesambata ale, ele ka ci tava?

LUKA 23:56

Noke va tiukila, kuenje va pongiya ovihemba vioku sieketa kuenda onguendu. Kuenje kesambata va puyuka ndocihandeleko.

LUKA 6:2

Puãi vamue va Fariseo va pula vati, Nye vu lingila eci ka ci tava oku ci linga kesambata?