MATEO 11:8 - Embimbiliya - Bíblia Sagrada em Umbundu

⁸ Nda hacoko wa lilili nye? oku tala omunu wa wala uwalo u yuyuma ale? Ava va wala uwalo u yuyuma va kasi volonjo violosoma.

MATEO 11:8 Iomraidhean Croise

II OLOSOMA 1:8

Vo kumbulula vati, Wa wala uwalo wovonya, wa litika uvia wombandua vombunda yaye. Ahasiya hati, O Eliya, u Tisibi.

ISAYA 20:2

kotembo yaco oco Yehova a popele ale la Isaya omõla a Amose, hati, Ku ende, ka lule ocikẽlẽi covombunda yove lolohaku kolomãi viove. Kuenje wa ci linga, yu wa enda ño epõlõla lolomãi viaño,—

SAKARIYA 13:4

Eteke liaco uprofeto wosi o kuatela osõi ovinjoinjoi viaye eci imba owanji nduprofeto. Ka wala vali onanga yovonya oku viaviaya.

MATEO 11:7

Eci va enda oco Yesu wa fetika oku vangula lowiñi omuenyo wa Yoano, hati, Wa ililili nye vekalasoko? oku tala oluneva lua lituñunya lofela ale?

MATEO 11:9

Puãi wa ililili nye? oku tala uprofeto ale? Ocili ndu sapuili, siti, Una wa endeleli wa velapo, uprofeto o sule.

MATEO 3:4

Yoano wa wala uwalo wovonya ongamelo kuenda uvia wombandua vombunda yaye. Wa lia lia olohuma lowiki wombula.

LUKA 7:25

Nda hacoko, wa endeleli oku ka tala nye? omunu wa wala uwalo wa fina? Tali, ava va wala uwalo wa fina kuenda va lia lia elau va kasi volonjo violosoma.

I VA KORINDO 4:11

Toke kola yilo, tu lamboka, tu yeva yeva enyona, tu kala kala epẽle, tu tendowaiwa, tuakuakutuñayãla.

II VA KORINDO 11:27

Kupange wosi nda linga nda talavaya lekavo kuenda ekaha. Nda kala kala lonjala lenyona, omo nda kamba kamba okulia. Olonjanja ndandiwa omo sia kaile leci ndi lisikilila.

ESINUMUĨLO 28:54

Pokati kene ulume wa velapo ketepo, haeye ukuokasa wa lua, o limila okulia manjaye ndaño ukãi waye wa soliwa, pamue omãla vaye vo sialelapo.

ESITULUILO 11:3

Ngeca kolombangi viange vivali unene woku popia ovitumasuku ca soka ohũlũkãi kovita vivali kakui epandu koloneke. Osimbu va popia va wala wala ovikelei.