MATEO 11:21 - Embimbiliya - Bíblia Sagrada em Umbundu

²¹ hati, A Horaseni! Ngongo yove! A Betesaita! Ngongo yove! Momo ovilimbu via lingiwa kokuene nda via lingiwilile vo Turo lo vo Sidono, nda va likekembele osimbu, loku wala ovikeleyi kuenda oku tumala vetiko.

MATEO 11:21 Iomraidhean Croise

YOVI 42:6

kuenje nda linga ocipelekese caño. Ndi litavela kuenje ndi livela oku tumãla voneketela lovetiko.

YEREMIYA 13:27

Nda mõla akutisasõi ove lukahonga wove, kuenda onambo yove. Nda mõla osõi yupuepue wove koviwulu viovusenge. A Yerusalãi, ngongo yove! Eteke li pi o yelisua?

YOELI 3:4

A Turo, a Sidono, avaimbo osi a va Filisiti, Nye vu yongola kokuange? Vu kasi loku fetuluinyila cimue ale? Nda oco vu kasi loku ndinga limbuki okuti efetuluinyo liaco ndu li fetuluinyi lonjanga.

AMOSI 1:9

Ca popia Yehova ceci, hati, Mekonda liolohole vitatu via Turo, ndaño vikuãla, oku tiula eyambulo lialio si kuatako. Momo va eca ofeka yosi ke Edome. Ka va ivalukile vali ocisila cumanji.

MATEO 11:22

Puãi mopia lene siti, Keteke liekanga eyambulo lia Turo la Sidono li sule, liene li velapo.

MATEO 15:21

Oco Yesu wa tundako, wa enda konele ya Turo la Sidono.

MATEO 18:7

Oluali, ngongo yaluo mekonda liovilondokua. Ku kala muẽle ovilondokua, ka vi yuvuiwa, puãi u o kapela ukuavo ocilondokua, ngongo yaye.

MATEO 26:24

Mõlomanu enda ndeci co sonehelua puãi u u pakula, ngongo yaye. Hise nda omunu waco ka vo citile.

MARKO 3:8

loko Yerusalãi, lo ki Idumea, lo kesinya lia Yordão, lo vofeka ya Turo, lo ko Sidono, ocipikiti caco ca lua. Omo va yeva ovina viosi a linga oco veya kokuaye.

MARKO 6:45

Haico a kisika olondonge viaye oku wila vowato ha viu liangela kesinya ko Betesaita osimbu eye a kasi loku sandula owiñi.

MARKO 7:24

Kuenje oku katuka wa tundako, wa enda konele ya Turo la Sidono. Yu wa iñila vonjo yimue kuenje ka yonguile okuti omanu va ci kũlĩha, puãi ka ca tavele okuti o vunda.

MARKO 7:31

Yesu wa tunda vali vofeka ya Turo, yu wa pita vo Sidono oku tomela vofeka ya Dekapoli, weya kokalunga ka Galilea.

MARKO 8:22

Oco veya ko Betesaita, kuenje vo nenela omeke, yu vo pinga oku yi lamba.

LUKA 4:26

Haimo Eliya ka tumiwile kocimbumba cimue pokati kavio te kukãi ocimbumba wa kala ko Sarepata vofeka ya Sidono.

LUKA 6:17

Kuenje oku lokila kumue lavo, wa talama ketapi. Kua kala owiñi wa lua woloñame viaye, kuenda omanu va lua va tunda kuosi ko Yudea lo ko Yerusalãi kuenda konele yokalunga ko Turo lo ko Sidono, veya oku u yevelela loku sakuiwa ovovei avo.

LUKA 9:10

Eci ovapostolo va tiuka vo sapuila ovina viosi va linga. Oco wa va ambata kuenje wa enda lavo kimbo limue ha va kalako ulika. Onduko yimbo liaco Betesaita.

YOANO 1:44

Filipu u Betesaita, imbo lia Andereu la Petulu.

YOANO 12:21

Oco ovo veya ku Filipu, u Betesaita ko vo Galilea, yu va popia laye vati, A ñala, tu yongola oku mola Yesu.

OVILINGA 12:20

Oloneke viaco eye Herode wa tema ca lua la va Turo kuenda va Sidono. Oco, eci va linala la Blasto ukuenje wolohama via Soma, veya ku Herode lutima umuamue. Va sanda ombembua momo ofeka yavo ya tekuiwa lofeka ya Soma.

OVILINGA 27:3

Eteke likuavo tua pitila ko Sidono. Julia wa linga Paulu ohenda, yu wa tava okuti enda ku vakuavo ha vo kuatisa.

YUDA 1:11

Ngongo yavo! Momo va kuama onjila ya Kaini, va yolekela kokulueya kua Balama ha va limuisa ovipako, kuenje va nyõliwa lokuñualelapo Suku, ndeci Kora a nyõliwa lakuo.

ESITULUILO 11:3

Ngeca kolombangi viange vivali unene woku popia ovitumasuku ca soka ohũlũkãi kovita vivali kakui epandu koloneke. Osimbu va popia va wala wala ovikelei.

ESITULUILO 6:12

Eci a teya esitikilo liepandu nda vanja, kuenje kua pita ocilemawe ca lua. Ekumbi lia pongoloka oku tekava ndocikelei, losãi ya moleha ndosonde.