MATEO 11:11 - Embimbiliya - Bíblia Sagrada em Umbundu

¹¹ Mopia lene siti, Ocili, pokati kava va citiwa lakãi ka pa la tukuluka u wa velapo okuti Yoano Upapatisi o sule; puãi u o sule vusoma wokilu unene, Yoano o sule.

MATEO 11:11 Iomraidhean Croise

YOVI 14:1

Omunu wa citiwa lukãi ukualoneke viñamiñami, haiye we yuka lohali.

YOVI 14:4

Helie o tẽla oku upa ocina ca yela kocikuata ca liña? Lomue o ci tẽla.

YOVI 15:14

Omunu hẽ nye okuti o tẽla oku yela? U wa citiwa lukãi o tẽla ndati oku linga ukuesunga?

YOVI 25:4

Oco hẽ omunu o linga ndati ukuesunga ku Suku? U wa citiwa lukãi o tẽla ndati oku yela?

OLOSAMO 51:5

Ocili, nda citiwila kohole. Mai weminila kakandu.

ISAYA 30:26

Kuenje owi wosãi u linga ndutanya kuenda utanya u vokiyiwa olonjanja epanduvali ndutanya woloneke epanduvali. Oco ci kala eteke Yehova a kuta epute liomanu vaye, loku sakula olombole a va tota eye muẽle.

SAKARIYA 12:8

Keteke liaco Yehova o teyuila olonungi via Yerusalãi lociteyuilo okuti eteke liaco ndaño ava va leñela pokati kavo va linga nda Daviti. Kuenje kokuavo epata lia Daviti li linga nda Suku, pamue ndungelo wa Suku, oku va songuila.

MATEO 11:10

Eye, eye una ovisonehua via lombolola, viti. Tala, ndi tuma omunga yange okuti o pita kovaso yove oku ku pelela onjila yove.

MATEO 11:12

Tunde koloneke via Yoano Upapatisi toke cilo usoma wokilu wa kagisua, kuenje lopo vakuakukangisa vo kuata.

MATEO 3:1

Koloneke viaco kueya Yoano Upapatisi, wa kundila vekalasoko lia Yudea, hati,

MATEO 3:11

Ame ndu papatisili vovava, oku vu papatisila epongoloko liutima, puãi u o ñuai vonyima wa mbelapo. Sia sungulukilile oku ambata olohaku viaye. Eye u papatisili le Espiritu Sandu londalu.

MATEO 5:19

Oco, nda umue o sama cimue citito covihandeleko evi kuenje o longisa omanu oku ci lingavo, o tukuiwa o sule vusoma wokilu. Puãi umue, nda o vi linga loku vi longisa, o tukuiwa unene vusoma wokilu.

LUKA 1:15

momo o linga unene kovaso a Ñala. Ka nyui ovinyu levi vi koluisa, puãi o yuka Espiritu Sandu tunde vimo lia inaye.

LUKA 7:28

Ndu sapuili siti, Pokati kava va citiwa lakãi ka pali umue unene okuti Yoano o sule, puãi u o sule vusoma wa Suku, eye unene okuti Yoano o sule.

LUKA 9:48

Yu wa popia lavo hati, U o hindikisa okamõla aka vonduko yange, ame a hindikisa, lu o hindikisa ame, o hindikisa u wa numa, momo u o sule pokati kene vosi, eye unene.

YOANO 1:15

Yoano wo wimbila uvangi, yu wa vilikiya hati, U, eye una nda tukula eci nda popia siti, U o ñuai wa mbelapo, momo eye wa livanga, ame nda siale konyima.

YOANO 1:27

Kuenje ame, ndaño nda livanga okuti eye wa ñuama, haimo si sesamela oku kutulula olunjita luoluhaku luaye.

YOANO 10:41

Va lua veya kokuaye kuenje vati, Ocili, Yoano ka lingile ovilimbu, puãi ovina viosi Yoano a tukuila omunu u, viocili.

YOANO 3:30

Kaliye eye, caye oku amako, ame puãi, cange oku tepuluka.

YOANO 5:35

Eye wa kala ondiyelo ya taima ya tua, kuenje wa tavi oku yolela vocinyi cayo okasimbu kaño.

YOANO 7:39

Puãi eci, wa ci popela Espiritu lina ava vo kolela va laika oku tambula. Momo Espiritu keyile handi, omo Yesu ka iñilile handi vulamba.

I VA KORINDO 15:9

Momo ame sule kovapostolo vosi. Sia posokelele oku tukuiwa upostolo, momo nda kangisa ekongelo lia Suku.

I VA KORINDO 6:4

Oco, nda wu kuete olondaka ndovio, nye vu vi tualela kuava ka va sumbiwile vekongelo?

VA EFESO 2:3

Letuvo tua kaile vakuesino eci tua lingaile oloñeyi vietimba. Tua lingainga ocipango cetimba leci covisimilo viutima, okuti letuvo tua sesamelele onyeño ndomanu vakuavo.

VA EFESO 3:8

Ndaño ame sulepo pokati kolosandu viosi haimo ocali caco ca nyihiwa. Ca nyihiwila okuti ñundila vakualofeka ondaka yiwa yukuasi ka u tendiwa wa Kristu,

II TIMOTEO 1:10

Cilo puãi, Suku wa tukulula ocali caco eci a tukulula Upopeli wetu Kristu Yesu, u wa nyõla okufa, kuenje, londaka yiwa, wa nena kutanya omuenyo ko pui.

VA HEVERU 11:40

Momo Suku wa tu pongiyila cimue ca velapo okuti, ovo ka va kanguisua lika liavo, te kumue letu.

I PETULU 1:10

Ovaprofeto vana va imbile owanji wocali ca laika oku iya kokuene, va sandiliya loku puliliya epopelo liaco.

I SAMUELE 2:30

Oco Yehova, haeye Suku ya Isareli, wa popia hati, Ocili, nda likuminyile okuti epata liove lepata lia so vu kala ciwa lame otembo ka yi pui. Cilo puãi Yehova hati, Nda litiulamo muẽle. Ava va sumbila ame, ovo sumbilavo, lava va membula ame, ovo va pembuiwavo.