MATEO 10:5 - Embimbiliya - Bíblia Sagrada em Umbundu

⁵ Ava ekui la vavali wa va tuma. Wa vosika hati, Ko ka endi lonjila yenda ku vakualofeka. Ko ka iñili vimbo limue lia va Samária.

MATEO 10:5 Iomraidhean Croise

MATEO 22:3

Wa tuma akuenje vaye oku pañinya omanu va lalekiwa kuvala puãi ka va tavele oku iya.

MATEO 4:15

Ofeka ya Sevulono lofeka ya Nafitali, vi kasi vonjila yokonele yokalunga, kesinya lia Yordão, ndokuti Galilea ya vakualofeka.

MARKO 6:7

Yu wa pañinya ekui liaco la vavali, kuenje wa fetika oku va tuma vavali, vavali, loku va iha omoko yoku tundisa ovilũlu via vĩha.

LUKA 10:1

Oco kovaso yovina evi Ñala wa nola vali akui epanduvali komanu, kuenje wa va tuma vavali, vavali, okuti vo pitila kovaso oku enda kovaimbo osi lo kolofeka viosi oko a soka oku pita eye muẽle.

LUKA 10:33

Puãi u Samária umue wa kala kungende kuenje weya oko a kasi, yu, eci o mola, wo kuatela ohenda.

LUKA 17:16

kuenje, oku kekamela posi kolomãi via Yesu, wo panduila. Eye haeye u Samária.

LUKA 9:1

Noke wongolola ekui liaco la vavali, yu wa va iha unene lomoko yoku tundisa ovilũlu viosi, leyi yoku sakula ovovei.

LUKA 9:2

Kuenje wa va tuma oku kunda usoma wa Suku loku sakula omanu va vela.

YOANO 17:18

Ndeci ove wa numa ame voluali, haico ovo nda va tuma voluali.

YOANO 20:21

Yesu wa popia vali lavo hati, Ombembua yi kale lene. Ndeci Isia a numa haico ndu tumi.

YOANO 4:20

Vakukululu vetu va fendaila Suku vomunda eyi. Ene puãi vu linga hoti, Vo Yerusalãi omo mua sesamela omanu oku fendelelamo Suku.

YOANO 4:5

Oco weya ko Sukare, imbo limue lio ko Samária lia kala ocipepi lusenge Yakoba a ecele komõlaye Yosefe.

YOANO 4:9

Ukãi u Samária wa popia laye hati, Ove u Yudea o minga ndati ovava oku nyua, ame ndukãi u Samária? Momo va Yudea ka va likile la va Samária.

YOANO 7:35

Va Yudea va livangula pokati vati, Omunu u enda pi okuti ka tu u sangi? Enda nga ku va Yudea va sandokaila pokati ka va Helasi loku longisa va Helasi?

YOANO 8:48

Va Yudea vo kumbulula vati, Ka tua popele ocili eci tua popia tuti, Ove vu Samária, haive o kuetiwe locilulu?

OVILINGA 1:8

Puãi, eci Espiritu Sandu o wili, oco vu kuata unene, kuenje vu linga olombangi viange vo Yerusalãi, lo vo Yudea yosi, lo vo Samária, kuenda toke kasulilo okilu lieve.

OVILINGA 10:45

Vakuevamba veya la Petulu, haivo va linga ale vakuetavo, va komoha ndomo ocali ce Espiritu Sandu ca eciwavo ku vakualofeka.

OVILINGA 8:1

Saulu wa tava kokufa kuaye. Oco keteke liaco kueya ekangiso lia lua kekongelo lio vo Yerusalãi, kuenje vosi va sandokaila volofeka via Yudea la Samária te lika ovapostolo.

I VA TESALONIKE 2:16

omo va tu tateka oku longisa vakualofeka okuti va popelua. Poku ci linga, va suisapo akandu avo olonjanja viosi. Puãi onyeño ya Suku ya va iyilila olumue.