MATEO 10:23 - Embimbiliya - Bíblia Sagrada em Umbundu

²³ Eci vo talisi ohali vimbo eli, tilili kimbo likuavo, momo mopia lene siti, Ocili, ko mosula ovaimbo a Isareli osimbu Mõlomanu keyile.

MATEO 10:23 Iomraidhean Croise

YEREMIYA 26:21

Kuenje eci Soma Yehoyakimi lasualali vaye vosi kuenda olombuale viosi va yeva olondaka viaye, oco Soma wa sanda oku wipaya. Puãi eci Uriya a ci yeva, oco wa kuata usumba kuenje wa tila, wa enda ke Egito.

MATEO 16:27

Momo Mõlomanu iya lulamba wa Isiaye kumue lovangelo vaye, kuenje o muisa omanu vosi, omunu ndovilinga viaye, omunu ndovilinga viaye.

MATEO 16:28

Mopia lene siti, Ocili, vamue va tãi kulo ka va mahi okufa toke va mola Mõlomanu iya vusoma waye.

MATEO 2:13

Pana okuti va enda ale oco ungelo wa Ñala wa tukulukila ku Yosefe vonjoi hati, Pasuka, yelula okamõla la inako. Tilila ke Egito. Oko o ka kala toke hu pañinya, momo Herode o sanda okamõla ha ka ipa.

MATEO 23:34

Oco numila kokuene ovaprofeto lolonoño la vakuavisonehua. Vamue pokati kavo vu va ipa loku va valela kakulusu. Vamue vu va tipuila volosunangonga viene, kuenje vu va hangisa tunde vimbo eli toke vimbo likuavo.

MATEO 23:36

Mopia lene siti, Ocili, ovina evi viosi viya kocitumbulukila cilo.

MATEO 24:27

Momo ndeci ociliakulo ci tunda kutundilo kuenje cenda toke kutakelo, haico kuiya okutukuluka kua Mõlomanu.

MATEO 24:30

Noke ondimbukiso ya Mõlomanu yi tukuluka kilu, kuenje apata osi okilu lieve a lila. Va mola Mõlomanu yu iyilila valende okilu lunene lulamba wa lua.

MATEO 24:34

Mopia lene siti, Ocili, ocitumbulukila cilo ka ci pui te ovina evi viosi vi lingiwa.

MATEO 24:48

Puãi nda ukuenje waco ka sungulukile, kuenje o likunda lutima waye, hati, Cime cange keya ndopo,

MATEO 25:13

Oco lavululi, momo ka wa kũlĩhili eteke liaco, ndaño ekumbi.

MATEO 26:64

Yesu wa popia laye hati, Ove ove wa ci popia, puãi mopia lene siti, Ndopo vu mola Mõlomanu wa tumala kondio ya Tõlo kuenje iyilila kalende okilu.

MATEO 4:12

Eci Yesu a yeva okuti Yoano wa kuatiwa, wa tiukila ko Galilea.

MARKO 13:26

Oco va mola Mõlomanu oku iyilila kalende lunene wa lua lulamba.

LUKA 18:8

Mopia lene siti, O va tetuluila lombili. Haimo lumue, eci Mõlomanu eya, o sanga ekolelo kilu lieve?

LUKA 21:27

Kovaso yaco va mola Mõlomanu iyilila velende lunene kuenda ulamba wa lua.

YOANO 7:1

Kovaso yaco Yesu wa ñuala ñuala vo Galilea, ka yonguile oku ñuala ñuala vo Yudea omo va Yudea va sanda oku wipa.

OVILINGA 17:10

Eteke liaco hailio vamanji va tuma Paulu la Siluano ko Berea kuteke. Eci veyako va iñila vosunangonga ya va Yudea.

OVILINGA 17:14

Tuli veya haico vamanji va tuma Paulu toke ocipepi lokokalunga, Siluano la Timoteo puãi va siala.

OVILINGA 20:1

Eci onjuela ya imuha Paulu wa pañinya oloñame. Eci a va lungula, wa vosika kuenje wa tundako, wa enda ko Makedonia.

OVILINGA 8:1

Saulu wa tava kokufa kuaye. Oco keteke liaco kueya ekangiso lia lua kekongelo lio vo Yerusalãi, kuenje vosi va sandokaila volofeka via Yudea la Samária te lika ovapostolo.