MATEO 10:2 - Embimbiliya - Bíblia Sagrada em Umbundu

² Olonduko viovapostolo ekui la vivali vievi: Tete, Simono wa tukuiwa Petulu, la huvaye Andereu, kuenda Tiago, omõla a Sebedeo, la manjaye Yoano,

MATEO 10:2 Iomraidhean Croise

MATEO 17:1

Kovaso yoloneke epandu Yesu wa enda la Petulu la Tiago la Yoano manjaye, kuenje wa va tuala lika liavo komunda yisovi.

MATEO 20:20

Oco ina yomãla va Sebedeo weya kokuaye lomãla vaye. Wo fendela kuenje wo pinga cimue.

MATEO 26:37

Wa enda la Petulu lomãla vavali va Sebedeo, yu wa fetika oku sumua loku tokotelua.

MATEO 4:18

Eci a vambala konele yokalunga ka Galilea oco wa mola vamanji vavali Simono wa lukiwa Petulu, la Andereu manjaye, va imba owanda vokalunga, momo anyanga volosi.

MATEO 4:21

Oco oku amako wa mola vamanji vavali vakuavo. Tiago omõla a Sebedeo la manjaye Yoano. Va kala vowato kumue la isiavo Sebedeo, oku pamela awanda avo, yu wa va kovonga.

MARKO 1:29

Eci va tunda vosunangonga, haico va enda vonjo ya Simono la Andereu kumue la Tiago la Yoano.

MARKO 13:3

Eci a tumala komunda yo Oliveira kovaso yonembele oco Petulu la Tiago la Yoano la Andereu vo pulila pulika vati,

MARKO 6:30

Ovapostolo va liongoluila ku Yesu kuenje vo sapuila ovina viosi va linga, lovina viosi va longisa.

LUKA 11:49

Oco olondunge via Suku via popela viti, Numa kokuavo ovaprofeto lovapostolo, kuenje vamue, va va ipa, vamue, va va kangisa.

LUKA 22:14

Oco, eci ekumbi liaco lia pitila, eye wa tumala komesa, lovapostolo va kala laye kumue.

LUKA 22:8

Oco Yesu wa tuma Petulu la Yoano, hati, Kuendi. Ka tu yaleli o Pascoa oco tu yi lie.

LUKA 5:10

Tiago la Yoano, omãla va Sebedeo, haivo vakuekuta lia Simono, va ci komohavo. Yesu wa popia la Simono hati, Ku ka yokoke. Tunde opo o linga enyanga liomanu.

LUKA 9:10

Eci ovapostolo va tiuka vo sapuila ovina viosi va linga. Oco wa va ambata kuenje wa enda lavo kimbo limue ha va kalako ulika. Onduko yimbo liaco Betesaita.

YOANO 12:22

Filipu wa enda, wa ka ci sapuila Andereu, Andereu la Filipu va enda, va ka ci sapuila Yesu.

YOANO 13:23

Umue polondonge viaye, haeye Yesu a sole, wa kunamela ponete ya Yesu.

YOANO 20:2

Oco wa lupuka, kuenje weya ku Simono Petulu kuenda kondonge yikuavo yina Yesu a sole, yu wa popia lavo hati, Ñala veleva va vupamo, ka tu iko oko vo kapa.

YOANO 21:2

Simono Petulu la Tomasi wa tukuiwa Njamba, la Nataneli u Kana ko vo Galilea, lomãla va Sebedeo, kuenda olondonge viaye vikuavo vivali via kala pamosi.

YOANO 21:20

Petulu wa ñualapo, kuenje wa mola ondonge yina Yesu a sola okuti ya kala oku va kuama, haiyo ondonge yina ya liyekele konete ya Yesu kokulia, yu ya pulile, yiti, A Ñala, helie o ku pakula?

YOANO 21:24

Eyi, oyo ondonge yi kasi loku imbila ovina evi uvangi, haeye ya soneha ovina evi, kuenje tu ci okuti uvangi wayo wocili.

YOANO 6:67

Oco Yesu wa pula ekui liaco la vavali, hati, Lene wendivo?

YOANO 6:70

Yesu wa va kumbulula hati, Sio noleli hẽ ekui liomanu komanu vavali, kuenje umue pokati kene eliapu?

YOANO 6:71

Wa ci popela Yuda, omõla a Simono Isikariote, umue pekui liaco la vavali, haeye o laika oku u pakula.

YOANO 6:8

Umue polondonge viaye, Andereu, huva a Simono Petulu, wa popia laye hati,

OVILINGA 1:13

Eci va iñilamo va londa kosapalalo oko va singa. Ava va kalamo vava, Petulu la Yoano la Tiago la Andereu, Filipu la Tomasi, Bartolomeu la Mateo, Tiago omõla a Alfeo, la Simono Kambili, kuenda Yuda omõla a Tiago.

OVILINGA 1:26

Kuenje va va sekula, yu ca veta Matiya. Oco eye wa tendiwa kumue lekui liovapostolo kupostolo.

OVILINGA 12:2

Wa ipa Tiago, huva a Toano, losipata.

OVILINGA 3:1

Petulu la Yoano va kala loku lamanela konembele kola yoku likutilila, ola yaco yatatu kekumbi.

I VA KORINDO 15:7

Yu wa moleha ku Tiago, noke kovapostolo vosi.

VA EFESO 4:11

Wa va kapa okuti vamue va linga ovapostolo, vamue ovaprofeto, vamue ovakundi vondaka yiwa, vamue ovangombo, vamue alongisi.

VA HEVERU 3:1

Oco a vamanji va kola, haene wa tukuiwi velaleko li kola lia tunda kilu, sokololi Yesu, eye Upostolo, haeye Ocitunda cinene cetavo lietu.

I PETULU 1:1

Ame ndi Petulu, haime ndupostolo wa Yesu Kristu, Ndi sonehela vakuetavo va sandokaila kolonele kuiñi kuiñi, ko Pondu lo ko Galatia, lo ko Kapadokia, lo ka Asia, lo ko Bitunia.

II PETULU 1:1

Ame ndi Simono Petulu ndukuenje wa Yesu Kristu, haime ndupostolo waye, Ndi sonehela ava va tambula ekolelo li kola lia lisoka lekolelo lietu vesunga lia Suku yetu lupopeli wetu Yesu Kristu.

II YOANO 1:1

Ame ndukulu, ndi sonehela Ndona wa noliwa kuenda omãla vaye. Ndi va solele vocili, hameko lika ndi va sole, puãi va soliwa la vosi va kũlĩha Ocili,

III YOANO 1:1

Ame ndukulu ndi sonehela Gaiu wa soliwa, haeye ndu solele vocili.

ESITULUILO 1:1

Elivulu eli esituluilo lia eciwa la Suku ku Yesu Kristu. Wa li eca oku lekisa kakuenje vaye ovina vi laika oku iya ndopo. Wa tuma ungelo waye oku vi situluila kukuenje waye Yoano.

ESITULUILO 1:9

Ame ndi Yoano, haime manjene, haime ndi linala lene kohali lo kuviali lo kepandi lia Yesu, ame nda kala omandekua kocifuka ca Patmo mekonda liondaka ya Suku, lomo nda imbila Yesu uvangi.

ESITULUILO 18:20

Ove ailu, lene alosandu, lene avapostolo kuenda ene avaprofeto, sanjukili eci ca pita lalio. Momo Suku wa li tetuluila oku li pisila eci lio lingi ene.

ESITULUILO 22:8

Ame Yoano nda yeva ovina evi haime nda vi mola. Eci nda vi yeva loku vi mola oco nda wila posi oku fendela kolomãi viungelo wa vi ndekisa.