MATEO 1:22 - Embimbiliya - Bíblia Sagrada em Umbundu

²² Eci cosi ca lingiwa okuti ondaka ya Ñala, yina ya popia uprofeto, yi lingiwa, yokuti:

MATEO 1:22 Iomraidhean Croise

I OLOSOMA 8:15

Eye wa popia hati, Yehova Suku ya Isareli a sivayiwe, una wa popia lomela waye ku tate Daviti, loku ci lemulula leka liaye, hati,

I OLOSOMA 8:24

Wa telisila ukuenje wove, tate Daviti, eci wo likuminyile; ocili ove wa ci popia lomela wove kuenje wa ci lemulula leka liove, ndomo ci kasi etaili lilo.

ESERA 1:1

Kulima watete wokovava a Kuro, Soma yoko Persia, Suku wa tuñunya vutima wa Soma Kuro okuti ondaka ya Yehova, yina ya Popiwa lomẽla wa Yeremiya, yi lemuluiwa. Oco Soma wa imbila ofeka yaye yosi oluiya. Loluiya luaco wa lu soneha hati,

MATEO 12:17

Ca lingiwila okuti ondaka ya popia uprofeto Isaya yi tẽlisua, yokuti,

MATEO 13:21

haimo ka kuete olombombo eye muẽle, kuenje o pandikisa naito ño, oco eci kuiya ohali loku sakalasailua ondaka, o konyoha lonjanga.

MATEO 13:35

Ca lingiwila okuti eci ca popiwa luprofeto ci lingiwa, cokuti Ngasama lolosapo. Mopia ovina via sitikiwa tunde koku seveta oluali.

MATEO 2:15

Oko a kala toke kokufa kua Herode. Oco yi lingiwe ondaka ya popia Ñala luprofeto yokuti, Nda kovonga Omõlange ke Egito.

MATEO 2:23

Kuenje wa enda, wa tunga vimbo lia tukuiwa Nasara, oco yi lingiwe ondaka ya popiwa luprofeto, yokuti, O tukuiwa u Nasara.

MATEO 5:17

Ko ka soki hoti, Weyilila oku imula ovihandeleko pamue ovaprofeto. Sieyilile oku vi imula te oku vi tẽlisa.

MATEO 8:17

Ca lingiwila okuti eci ca popia uprofeto Isaya ci tẽlisua, cokuti, Wa likapela okuvela kuetu, haeye wa ambata ovoveyi etu.

LUKA 21:22

Momo oloneke evi viefetuluinyo, haivio viokulingiwa kuovina viosi via sonehiwa.

LUKA 24:44

Yu wa popia lavo hati, Evi ovio olondaka viange nda popele lene, cina nda kala kumue lene, okuti ovina viosi via sonehelua ame vovihandeleko via Mose lovaprofeto lolosamo vi lingiwa.

YOANO 10:35

Nda omanu va yeva ondaka ya Suku va tukuiwa olosuku, kuenje ka ci tava oku nyõla ocisonehua,

YOANO 15:25

Puãi ca lingilua ondaka yocihandeleko cavo citi, Va suvuka ño olivova.

YOANO 17:12

Osimbu ame nda kala lavo, nda va lavela vonduko yove eyi wa nyiha. Nda va vetatela, kuenje pokati kavo lomue wa nyõlehapo te omõla enyõleho, oco ocisonehua ci lingiwe.

YOANO 18:9

Eci wa ci popela oku tẽlisa ondaka yina a popia, hati, Pokati kava wa nyiha sia nyelisilepo umue.

OVILINGA 3:18

Puãi, eci Suku a cimbila ale owanji limẽla viovaprofeto vaye vosi, cokuti Kristu waye o tala ohali, oco wa ci tẽlisa.

VA ROMA 1:2

yina a likuminya ale, yu ovaprofeto vaye va yi sapula vovisonehua vi kola,

ESITULUILO 17:17

Momo Suku wa tiamisa ovitima viavo koku linga ocipango caye. Va ci linga omo va kuata utima umosi, loku eca usoma wavo kocinyama toke olondaka via Suku vi tẽlisua.