MARKO 9:3 - Embimbiliya - Bíblia Sagrada em Umbundu

³ Uwalo waye wa nina, u yela ca lua, onjelisi yolonanga yokilu lieve nda ka yi tẽla oku u yelisa ndoco.

MARKO 9:3 Iomraidhean Croise

OLOSAMO 51:7

Njelise lovisapa viohisope si yeli ocili. Sukule si piãla ocikokoto oku yela.

OLOSAMO 68:14

Eci Tõlo a sandula olosoma viofeka yaco, oneve ya loka ko Salimone.

ISAYA 1:18

Ca popia Yehova ceci, hati, Enjui, tu lisunguluisi. Ndaño akandu ene a kusuka ngẽ ndonanga yohusu, a yela ndocikokoto; ndaño a kusuka ndohusu a linga ndutele.

DANIELE 7:9

Osimbu nda kala loku vanja, nda mõla ovialo via tumbikiwa, kuenje umue Ukuasimbu wa tumãla. Uwalo waye u yela ndocikokoto kuenda esinga liutue waye ndutele u yela. Ocalo caye ca soka ndilienge viondalu, lalola aco ondalu yi taima.

MATEO 28:3

Kuenje okumoleha kuaye kua soka ndociliakulo, luwalo waye u yela ndocikokoto.

MARKO 9:4

Kuenje kua va tukulukila Eliya la Mose, yu va kala loku vangula la Yesu.

LUKA 9:29

Eci a kala loku likutilila ocipala caye ca pongoloka, luwalo waye lawovo wa pongoloka, wa yela tue.

OVILINGA 10:30

Kuenje Korneliu wa linga hati, Konyima yoloneke vikuãla, ola yilo haiyo, nda kala vonjo yange oku likutilila ohutililo yokekumbi. Ocipikipiki, kovaso ange kua moleha ulume wa wala uwalo u nina.

ESITULUILO 19:18

ho li ositu yolosoma, lositu ya vakesongo, lositu yovindululu, lositu yotuvalu lava va endelako, lositu yomanu vosi, eyi yomãla vamãle leyi yapika, eyi yava vatito leyi yava vanene.

ESITULUILO 7:14

Ame ndo kumbulula, siti, Ove o ci, a Ñala yange. Oco a popia lame hati, Ava, ovo vana va tunda kohali ya piãla. Olonanga viavo va vi sukula kuenda va vi yelisila vosonde ya Kameme.

ESITULUILO 7:9

Kovaso yovina evi nda vanja, kuenje ota, nda mola owiñi wakahandangala okuti, oku Va tenda lomue o ci tẽla. Va tunda kolofeka viosi kuenda kapata osi, okuti omanu vakuapata osi kuenda vakualimi osi. Va talama kovaso yocalo lo kovaso ya Kameme. Va wala olonanga vi yela. Povaka vambata ovianja vieva.