MARKO 8:2 - Embimbiliya - Bíblia Sagrada em Umbundu

² Ñuetele owiñi ohenda, omo va kala lame oloneke vitatu kuenje ka va kuete okulia.

MARKO 8:2 Iomraidhean Croise

I OLOSOMA 19:6

Oco wa vanja kuenje ota, kovitue viaye kua kala ekende lia yokiwa pohanda ya tokota locikuata covava. Oco wa lia, wa nyua, yu wa pekela vali.

OLOSAMO 103:13

Ndeci isia a kuetele omãla vaye ohenda, haico Yehova a kuetele ohenda ava vo sumbila.

OLOSAMO 145:15

Vosi va ku imba ovaso, kuenje o va avela okulia kuvo waco.

OLOSAMO 145:8

Yehova ukuacali, o kasi lohenda, o livala konyeño. Ocisola caye ka ci pui ca lua cimue.

MIKA 7:19

O tu kuatela vali ohenda, o kosa avĩho etu lolomãi viaye. Ove wimba ovakandu etu osi valondo okalunga.

MATEO 14:14

Oco, eci a tunda vowato, wa mola owiñi wa lua, kuenje, omo a va kuatela ohenda, wa sakula olombei viavo.

MATEO 20:34

Oco Yesu, oku va kuatela ohenda, wa lamba vovaso avo, kuenje haico va letuluka, yu vo kuama.

MATEO 9:36

Puãi, eci a mola owiñi womanu, wa va kuatela ohenda momo va pekengua kuenda va sakalaisua ndolomeme ka vi kuete ungombo.

MARKO 1:41

Kuenje Yesu wo kuatela ohenda, oku alũla eka liaye, wo lamba, wa popia laye hati, Nda ci panga, kaya.

MARKO 5:19

Yesu puãi ka tavele, wa popia laye, hati, Kuende konjo yene kuenda ku vakuẽle. Va sapuila ovina viosi Suku a ku lingila, kuenda ndeci a ku linga ohenda.

MARKO 6:32

Kuenje va tunda lowato, va enda lika liavo vekalasoko.

MARKO 6:34

Eci a tunda vowato oco wa mola owiñi wa lua, yu wa va kuatela ohenda, momo va linga ndolomeme ka vi kasi lungombo, kuenje wa fetika oku va longisa ovina via lua.

MARKO 8:3

Nda ndi va eca ha va endi lonjala kovaimbo avo, va fila vonjila ipepe, omo vamue va tunda kupãla.

MARKO 9:22

Olonjanja via lua co wimba pamue vondalu, pamue vovava, ha cu nyõli, puãi nda o tẽla cimue, tu linge ohenda, tu kuatise.

LUKA 15:20

Kuenje wa katuka, wa enda ku isiaye. Puãi osimbu a kasi handi kupala, isiaye wo mola, kuenje wo kuatela ohenda, wa lupuka, wo limbila posingo, yu wo sipula.

LUKA 7:13

Kuenje eci Ñala o mola, wo kuatela ohenda yu wa popia laye hati, Ku ka lile.

VA HEVERU 2:17

Oco co sesamela oku lisetahala la vamanjaye kovina viosi, okuti o linga ocitunda cinene cohenda, haico ca kolelua vupange woku vumba Suku ha ci tuvika akandu omanu.

VA HEVERU 4:15

Ka tu kuete ocitunda cinene okuti okuleñela kuetu ka ku u yevala, puãi tu kuete ocitunda ca yonjaiwa kovina viosi ndetu, haimo ka ca la linga ekandu.

VA HEVERU 5:2

Ci tẽla oku livala evando la vakuanumbi, lava va lueya, momo eye muẽle wa hongua loku leñela.