MARKO 7:21 - Embimbiliya - Bíblia Sagrada em Umbundu

²¹ Momo vokati okuti vovitima viomanu, omo mu tunda ovipango vivi, ukahonga, umunu, umondi, oku pekelisa,

MARKO 7:21 Iomraidhean Croise

EFETIKILO 6:5

Yehova yu wa mola okuti uvi womanu wa lova kilu lieve, lovisimĩlo viosi vi simaiwa vovitima viavo via viha ño oloneke viosi.

EFETIKILO 8:21

Eci Yehova a yeva elemba li pepa oco Yehova wa litana lutima hati, Si siñala vali osi oku yi siñalela omunu, momo ovisimĩlo viutima womunu vi kasi ño civi tunde kutila waye; loviendalomuenyo viosi si vi yambula vali ndeci nda linga.

YOVI 14:4

Helie o tẽla oku upa ocina ca yela kocikuata ca liña? Lomue o ci tẽla.

YOVI 25:4

Oco hẽ omunu o linga ndati ukuesunga ku Suku? U wa citiwa lukãi o tẽla ndati oku yela?

OLOSAMO 119:36

Tiamisa utima wange kovisila viove, kocipululu hakoko.

OLOSAMO 14:1

Eveke lia vangula lutima walio liti, Ka ku li Suku. Vakuevĩho. Va linga ovilinga vionyanya. Ka ku li u o linga eci ciwa.

OLOSAMO 14:3

Vosi va pambuka, va lingila pamosi vakuevĩho. Ka ku li u o linga eci ciwa, ndaño umosi.

OLOSAMO 53:1

Eveke lia vangula lutima walio, liti, Ka ku li Suku. Ka ku li Suku. Vosi yavo vakuevĩho, haivo va lingainga ovilinga vionyanya. Ka ku li u o linga eci ciwa.

OLOSAMO 53:3

Vosi va pambuka. Vosi va lingila pamosi vakuevĩho. Ka pali u o linga eci ciwa, ndaño umosi.

OLOSAPO 15:25

Yehova o papulula onjo yukuepela, puãi o kolisa olongave viocimbumba.

OLOSAPO 4:23

Lava utima wove lepandi, omo kokuawo oko ku tunda olono viomuenyo.

ISAYA 59:13

Oku sina tua likala Yehova, koku kuama Suku yetu tua tundako. Oku lundila tua popia usuanji. Tua popia olondaka viuhembi evi tua sovola vutima.

ISAYA 59:7

Olomãi viavo vi lupukila kevĩho, vi lungila koku pesela osonde ye lipua; ovisimĩlo viavo ovisimĩlo vievĩho, enyõlẽho kuenda ekundu vi kasi volonjila viavo.

YEREMIYA 16:12

lomo ene muẽle wa lingi cĩvi vali enene, okuti eci cavaisiene ci sule,— momo, tala, vosi yene omunu, omunu, vu lingainga ndeci ovitima viene vĩvi via panga, kuenje ka vu njevelela,—

YEREMIYA 17:9

Utima wa piãla kelimbi haiwo wa hongua enene. Helie o tẽla oku u kũlihisa?

YEREMIYA 4:14

A Yerusalãi, sukula vutima wove evĩho okuti o popeliwa. Ovisimilo viove vĩvi vi kala ño vokati kove toke pi?

ESEKIELE 38:10

Oco ca popia Ñala Yehova ceci, hati, Eteke liaco ovisimilo viya kutima wove, kuenje o tumba ehala lĩvi.

MATEO 15:19

Momo evi vi tunda vutima vievi, ovisimilo vĩvi, umondi, oku pekelisa, ukahonga, umunu, uvangi wuhembi, etonãi.

MATEO 9:4

Oco Yesu, omo a limbuka ovisimilo viavo, wa popia hati, Nye wa simili cĩvi vitimi viene?

MARKO 7:20

Kuenje hati, Eci ci tunda vomunu oco cu vĩhisa.

MARKO 7:22

alivelo ãvi, asuvu, elimbi, oku pua ohele, onya, alundi, ocipombo, ahuku.

LUKA 16:15

Puãi eye wa popia lavo hati, Ene vu liyowisila kovaso omanu, puãi Suku wa kũlĩha ovitima viene. Momo eci ca sivayiwa lomanu, oco ku Suku ca linga umbondo.

OVILINGA 5:4

Osimbu kua li landisile hẽ, ka lia kaile liove muẽle? Leci wa li landisa olombongo viaco hẽ, ka via kaile viove oku linga lavio ndeci wa panga? Elinga ndeli wa li panga ndati vutima wove? Kua kembele omunu te Suku.

OVILINGA 8:22

Likekembela ekandu eli liove, kuenje likutilila ku Ñala okuti, nda ci tava, ocisimilo cutima wove cecelua.

VA ROMA 7:5

Momo osimbu tua kaile vatimba, oloñeyi vietu viakandu, haivio via kenduiwa lovihandeleko, via talavayele vovimatamata viatimba etu oku imila okufa epako.

VA ROMA 7:8

Puãi ekandu, omo lia likuatisa locihandeleko, oco lia ñokela ovipululu viosi. Momo nda ka kua kaile ovihandeleko nda ekandu lia fa.

VA KOLOSAI 3:5

Oco, ipayi ovituwa vĩvi vi tiama koluali, viokuti ukahonga, levĩho, lokanyaima, kuenda oñeyi yĩvi, locipululu ca lomboloka efendelo lioviteka.

TITO 3:3

Momo ale letuvo tua kaile aveke, tua sinile, tua kembiwile, tua kaile apika voloñeyi viñi viñi, lasanju aiñi aiñi. Tua kaile locipombo lonya. Tua suvukiwile lomanu, kuenje tua lisuvukaile pokati.

TIAGO 2:4

ka wa litepisili hẽ ene muẽle, ka wa lingili hẽ olonganji vi kuete ovisimilo vĩvi?