MARKO 7:17 - Embimbiliya - Bíblia Sagrada em Umbundu

¹⁷ Oco, eci a sia owiñi kuenje wa iñila vonjo, olondonge viaye vio pula olusapo.

MARKO 7:17 Iomraidhean Croise

MATEO 13:10

Oco olondonge viaye vieya kokuaye kuenje vio pula viti, Nye o popela lavo lolosapo?

MATEO 13:36

Oco wa sia owiñi, wa iñila vonjo. Kuenje olondonge viaye vieya kokuaye viti, Tu lomboluile olusapo luosoka yovepia.

MATEO 15:15

Oco Petulu wo pinga hati, Tu lomboluile olusapo luaco.

MARKO 2:1

Eci pa pita oloneke vimue, oco a iñila vali ko Kafarinau, kuenje omanu va yeva okuti o kasi vonjo.

MARKO 3:20

Yu owiñi wa liongolola vali okuti ka va tẽlele oku lia.

MARKO 4:10

Eci a kala lika liaye oco ava va kala laye kumue lekui liaco la vavali va pinga okuti o va lomboluila olosapo.

MARKO 4:34

Ka va longisile cimue, te lolosapo, puãi, kolondonge viaye muẽle kulika, wa lombolola cosi.

MARKO 7:16

Umue nda o kasi lovatui oku yeva, a yeve.

MARKO 7:18

Kuenje eye wa va pula hati, Lenevo wakuanumbi? Ka wa kũlĩhili okuti eci ka ci kasi ale vokati komunu nda ciniwa lomunu ka ci vĩhisa,

MARKO 9:28

Eci Yesu a iñila vonjo oco olondonge viaye vio pula kulika viti, Nye ka tua tẽlele oku ci tundisa?